سابق چیئرمین نیب جاوید اقبال کس عہدے سے نہ ہٹانے کی منتیں کرتے رہے؟ ایاز صادق نے حیران کن دعویٰ کر دیا

اسلام آباد (ویب ڈیسک) پاکستان مسلم لیگ (ن )کے رہنما ایاز صادق نے کہا ہے کہ سابق چیئرمین نیب جاوید اقبال نے چیئرمین مسنگ پرسنز کمیٹی کے عہدے سے نہ ہٹانے کیلئے منتیں کیں۔

نجی ٹی وی" جیو نیوز" کے پروگرام میں گفتگو کرتے ہوئے انہوں نے کہا کہ جاوید اقبال کو فوری طور پر عہدے سے ہٹانا چاہیے اور کٹہڑے میں کھڑا کرنا چاہیے۔پی ڈی ایم میں پرویز الہٰی کی ممکنہ واپسی کے سوال پر ایاز صادق نے کہا کہ اس کا حتمی فیصلہ اتحادی جماعتوں کے سربراہان کی مشاورت سے کریں گے۔ایاز صادق کا کہنا تھا کہ خیبرپختونخوا کی گورنری عوامی نیشنل پارٹی (اے این پی) کی رضامندی کے بعد ہی جے یو آئی ایف کو دی گئی ہے۔