سابق صوبائی وزیرشرجیل میمن کے گھر سے چور سرکاری رائفل لے اڑے
حیدرآباد (مانیٹرنگ ڈیسک) سابق صوبائی وزیر و پیپلز پارٹی کے رہنما شرجیل انعام میمن کے گھر چوری کی واردات، چور سرکاری رائفل لے اڑے۔نجی ٹی وی جیو نیوز کے مطابق شرجیل انعام میمن کے گھر ڈیوٹی پر موجود پولیس اہلکار نے کینٹ تھانے میں چوری کا مقدمہ درج کرایا ہے۔ اہلکار کی جانب سے مقدمہ درج کرانے کیلئے جمع کرائی گئی درخواست میں کہا گیا ہے کہ اس نے سرکاری رائفل الماری میں رکھی تھی لیکن جب وہ شرجیل میمن کے گھر ڈیوٹی پر آیا اور الماری کھولی تو رائفل نہیں تھی۔ پولیس نے ڈیوٹی پر موجود اہلکار کی درخواست پر مقدمہ درج کرلیا ہے۔