لاہورکے مختلف علاقوں میں موسلادھاربارش

لاہورکے مختلف علاقوں میں موسلادھاربارش
لاہورکے مختلف علاقوں میں موسلادھاربارش

  


لاہور(ڈیلی پاکستان آن لائن) پنجاب کے دارالحکومت لاہور میں موسلادھار بارش کے بعد سردی کی شدت میں اضافہ ہوگیا۔

تفصیلات کے مطابق لاہور اور اس کے گردو نواح میں تیزہواؤں کے ساتھ ہونے والی بارش کے باعث سردی کی شدت میں اضافہ ہوگیا۔

لاہورمیں جیل روڈ، کنال روڈ، گلبرگ، ماڈل ٹاؤن، اقبال ٹاؤن، علامہ اقبال ٹاؤن، فیصل ٹاؤن سمیت مختلف علاقوں میں ہونے والی بارش کے باعث شہرمیں پھیلی وبائی بیماریوں میں کمی ہونے پرشہریوں نے سکھ کا سانس لیا۔محکمہ موسمیات کے مطابق آئندہ چوبیس گھنٹوں میں موسم آبرآلود اور وقفے وقفے سے بارش کا امکان ہے۔

دوسری جانب سرائے عالمگیر، ڈسکہ، گوجرانوالہ، ننکانہ صاحب، سیالکوٹ میں بارش کے باعث سردی میں اضافہ ہوگیا۔

یاد رہے کہ گزشتہ روز کراچی کے مختلف علاقوں میں صبح سویرے بوندا باندی کے باعث موسم خوشگوار ہو گیا تھا،لوگوں کی بڑی تعداد سہانے موسم سے لطف اندوز ہونے کے لیے گھروں سے باہر نکل آئی تھی۔

مزید : اہم خبریں /علاقائی /پنجاب /لاہور