’اس آدمی کو ٹکٹ ہرگز نہیں دینا‘ ن لیگ کا وہ انتہائی اہم رہنما جس کا سینیٹ ٹکٹ مریم نواز نے رکوادیا کیونکہ۔۔۔

’اس آدمی کو ٹکٹ ہرگز نہیں دینا‘ ن لیگ کا وہ انتہائی اہم رہنما جس کا سینیٹ ٹکٹ ...
’اس آدمی کو ٹکٹ ہرگز نہیں دینا‘ ن لیگ کا وہ انتہائی اہم رہنما جس کا سینیٹ ٹکٹ مریم نواز نے رکوادیا کیونکہ۔۔۔

  



فیصل آباد (ویب ڈیسک) مسلم لیگ ن کی رہنما مریم نواز نے مبینہ طور پر فیصل آباد سے ن لیگ کے رہنما فاروق خان کا پارٹی ٹکٹ رکوادیا جس کی وجہ سے فاروق خان کے ٹیکس چوری فراڈ و دھوکہ دہی سے بنک سے غیر قانونی قرضہ لینا ہے، مسلم لیگ ن کے رہنما فاروق خان سینیٹ الیکشن میں امیدوار بننا چاہتے تھے۔ اس کے لئے وہ کافی عرصہ سے لابنگ کررہے تھے۔

انہوں نے سینیٹ الیکشن کے لئے کاغذات نامزدگی بھی حاصل کرلئے تھے اور پارٹی ٹکٹ کے لئے مسلم لیگ ن کی قیادت کو باضابطہ درخواست بھی دے دی تھی۔ میاں نواز شریف پرانے تعلقات کی بنا پر فاروق خان کو سینیٹ کا ٹکٹ دینا بھی چاہتے تھے ان کا نام فائنل امیدواروں میں لیا جارہا تھا مگر عین آخری لمحات میں مریم نواز نے فاروق خان کا ٹکٹ رکوادیا اور دیگر نام فائنل کروالئے۔

روزنامہ خبریں کے مطابق مریم نواز نے میاں نواز شریف سے اسرار کرکے فاروق خان کا ٹکٹ رکوایا اور ان کی جگہ دوسرے نام کو فائنل کروایا۔ فاروق خان آخری لمحات تک کوشش کرتے رہے کہ انہیں پارٹی کنفرم کردے تو وہ کاغذات جمع کروائیں، ان کے کاغذات الیاس انصاری اور راﺅ کاشف رحیم نے تصدیق و تائید کئے تھے۔ کاغذات تیار تھے مگر پارٹی کے امیدوار فائنل کرنے پر انہیں کاغذات جمع کروانے کی مہلت نہ دی۔ اخبار کے مطابق مریم نواز ٹیکس چوری، بنک فراڈ جیسے معاملات میں ان کا نام آنے او ران کی وجہ سے پارٹی کی بدنامی سے نالاں ہیں۔

فاروق خان کا ٹکٹ کینسل کروانے میں فیصل آباد سے تعلق رکھنے والے بعض وزراءکا ہاتھ بھی بتایا جاتا ہے۔ اخبار کے مطابق فاروق خان کا ٹکٹ مریم نواز سے کنفرم کروانے کیلئے طلال چوہدری بھی کافی سرگرم رہے، مگر مریم نواز نے انہیں بھی فاروق خان کے اندرون خانہ معاملات بارے تفصیل سنا کر خاموش کروادیا۔

مزید : علاقائی /پنجاب /فیصل آباد