پی ٹی آئی حکومت صرف انڈے ڈلیور کر رہی ہے اور وہ بھی سڑے ہوئے، بختاور بھٹو

کراچی(این این آئی)پیپلزپارٹی کے چیئرمین بلاول بھٹوزرداری کی بڑی ہمشیرہ بختاور بھٹو زرداری نے کہاہے کہ تحریک انصاف کی حکومت صرف انڈے ڈلیور کر رہی ہے اور وہ بھی سارے سڑے ہوئے۔بختاور بھٹوزرداری نے ٹوئٹرپر دو(بقیہ نمبر54صفحہ12پر )

تصاویر شیئر کی ہیں جس نے سوشل میڈیا پر نئی بحث چھیڑ دی ہے کہ پیپلز پارٹی نے تحریک انصاف کی تصویر چرائی ہے یا پھر تحریک انصاف نے پیپلز پارٹی کی تصویر چوری کی ہے۔ٹویٹ میں پہلی تصویر میں نظر آنی والی خاتون نے بینظیر انکم سپورٹ پروگرام کارڈ ہاتھ میں پکڑا ہے جبکہ دوسری تصویر میں بھی خاتون وہی ہیں مگر اس نے ہاتھ میں صحت انصاف کارڈ پکڑاہوا ہے۔ دلچسپ امر یہ ہے کہ صحت انصاف کارڈ والی تصویر کو وفاقی حکومت نے اشتہار کے طور پر اخبارات میں شائع کروایا ہے۔حیرت انگیز طور پر دونوں تصاویر ہر لحاظ سے ایک جیسی ہیں ان میں ذرہ برابر فرق نہیں، بس اگر فرق ہے تو کارڈز مختلف ہیں۔فتح نامی ٹوئٹر صارف نے صحت انصاف کارڈ والی تصویر کو فوٹو شاپ قرار دیتے ہوئے کہا ہے کہ بینظیر انکم سپورٹ پروگرام بہت پہلے لاؤنچ ہوا تھا اور ساتھ ہی یہ بھی لکھا کہ یہ فوٹو شاپ فیصل جاوید کی کمپنی نے کیا ہے۔بختاوربھٹوزرداری نے اس ٹوئیٹ کو ری ٹوئٹ کرتے ہوئے اس پر کہا ہے کہ تحریک انصاف کی حکومت صرف انڈے ڈی لیور کر رہی ہے اور وہ بھی سارے سڑے ہوئے۔