اوور سپیڈنگ پر چالان سے بچنے کیلئے آدمی نے بی ایم ڈبلیو میں ایسی ڈیوائس لگالی کہ پولیس کے کیمرے ہی فیل ہوگئے

اوور سپیڈنگ پر چالان سے بچنے کیلئے آدمی نے بی ایم ڈبلیو میں ایسی ڈیوائس لگالی ...
اوور سپیڈنگ پر چالان سے بچنے کیلئے آدمی نے بی ایم ڈبلیو میں ایسی ڈیوائس لگالی کہ پولیس کے کیمرے ہی فیل ہوگئے

  

لندن (ڈیلی پاکستان آن لائن) برطانیہ میں ایک شہری نے تیز رفتاری پر چالان سے بچنے کیلئے اپنی بی ایم ڈبلیو کار میں جیمنگ ڈیوائس نصب کرلی۔ اس طریقے سے کچھ عرصہ تو وہ چالان سے بچتا رہا لیکن آخر کار قانون کے لمبے ہاتھ اس کی گردن تک پہنچ گئے ۔ عدالت نے مذکورہ شخص کو تین ماہ جیل کی سزا کے ساتھ 1500 پاﺅنڈ (تقریباً پونے 3 لاکھ روپے) کا جرمانہ بھی عائد کیا ہے۔

برطانوی شہر یارک شائر سے تعلق رکھنے والے 58 سالہ کاروباری شخص مائیکل ٹویزل نے اپنی بی ایم ڈبلیو کار میں لیز جیمنگ ڈیوائس نصب کر رکھی تھی۔ اس ڈیوائس کی مدد سے وہ سڑک پر لگے سپیڈ چیکنگ کیمروں کو چکمہ دے کر انتہائی تیز رفتاری سے بچ کر نکل جاتا تھا۔

فوٹو: دی سن

گزشتہ برس فروری میں مذکورہ شخص اس وقت پکڑا گیا جب اس کی گاڑی قریب آنے پر پولیس کے کیمرے میں فنی خرابی پیدا ہوئی۔ ٹریفک سارجنٹ نے عدالت میں مقدمے کی سماعت کے دوران بتایا کہ اس طرح کی ڈیوائسز کا استعمال غیر قانونی ہے جس پر ملزم کو جیل میں بھی ڈالا جاسکتا ہے۔ عدالت نے مقدمے کی سماعت کے بعد ملزم کو تین ماہ قید اور 1500 پاﺅنڈ جرمانے کی سزا سنادی۔

فوٹو: دی سن

اس سے قبل بھی برطانیہ میں اسی قسم کی حرکت کرنے پر ایک شخص کو 8 ماہ قید کی سزا سنائی گئی تھی۔ ادھیڑ عمر شخص ٹموتھی ہل کو اس بات پر سزا سنائی گئی تھی کہ اس نے سپیڈ چیکنگ کے تین کیمروں کی جانب نازیبا اشارے کیے تھے۔

فوٹو: دی سن

مزید : ڈیلی بائیٹس /برطانیہ