سیاسی پوائنٹ سکورنگ کرنیوالے مسائل پیدا کررہے ہیں، دوست محمدمزاری

    سیاسی پوائنٹ سکورنگ کرنیوالے مسائل پیدا کررہے ہیں، دوست محمدمزاری

  



مٹھن کوٹ(نمائندہ خصوصی) ڈپٹی سپیکرپنجاب اسمبلی سردار دوست محمد مزاری نے کہا ہے کہ وزیرِ اعظم عمران خان پاکستان میں کرپشن، غربت، جہالت اور بیروز گاری کے خاتمے کے خلاف جدو جہد کی علامت ہیں۔ سیاسی پوائنٹ سکورنگ کرنے والے وقت کی نزاکت کو سمجھیں اور تنقید برائے تنقید کی روش کو ترک کر کے پاکستان کی ترقی،معاشی مضبوطی اور سالمیت کے لیے اپنا حصہ ڈالیں،یہ وقت پاکستان کے لئے کام(بقیہ نمبر37صفحہ12پر)

کرنے کا ہے نہ کہ اوچھے ہتھکنڈوں کے ذریعے حکومت کے لیے مسائل پیدا کرنے کا۔ ملک پہلے ہی کرپشن اور ذاتی مفادات کی وجہ سے بہت پیچھے جا چکا ہے۔ ان خیالات کا اظہار انہوں راجن پور میں بڑے عوامی اجتماع سے خطاب کرتے ہوئے کیا۔ انہوں نے کہا کہ پاکستان تحریکِ انصاف کی قیادت معیشت کی بہتری اورمضبوطی کے لیے پوری نیت کے ساتھ دن رات ایک کرکے کام کر رہی ہے۔ اب تنقیدکرنے والے پاکستان کی بہتری کے لئے تجاویز دیں نہ کہ صرف باتوں سے کام چلائیں۔مہنگائی اور غربت ہماری پیدا کردہ نہیں بلکہ سابقہ حکومتوں کی نااہلی کانتیجہ ہے۔ مگرہم قوم کو یقین دلاتے ہیں کہ پانچ سال کی حکومت مکمل کرنے کے بعد ہم ایک نیاخوشحال پاکستان قوم کودیں گے۔ جنوبی پنجاب کے حوالے سے بات کرتے ہوئے ڈپٹی سپیکر نے کہا کہ پنجاب حکومت جنوبی پنجاب کی ترقی اور عوام کا معیار زندگی بلند کرنے کیلئے مختلف پروگرامز پر عمل پیرا ہے۔ صوبے کی معیشت کو مضبوط بنیادوں پر استوار کرنے کیلئے حقیقت پسندانہ ترجیحات کا تعین کیا جا رہا ہے تاکہ تیز رفتار ترقی کے اہداف کو حاصل کیا جاسکے۔

دوست مزاری

مزید : ملتان صفحہ آخر