" میرا اس بیان سے کوئی لینا دینا نہیں" مولانا طارق جمیل کا عمران خان کے بارے سوشل میڈیا پر وائرل خبر سے لاتعلقی کا اعلان

" میرا اس بیان سے کوئی لینا دینا نہیں" مولانا طارق جمیل کا عمران خان کے بارے ...

  

لاہور (ڈیلی پاکستان آن لائن) معروف عالم دین مولانا طارق جمیل نے وزیراعظم عمران خان سے متعلق ان سے منسوب بیان سے لاتعلقی کا اعلان کردیا اور کہا کہ یہ خبر جعلی ہے ۔ 

اپنے سوشل میڈیا اکائونٹ پر دیئے گئے موقف میں مولانا طارق جمیل نے کہا کہ ان سے متعلق قابل بھروسہ خبروں کے لیے مصدقہ پلیٹ فارمز سے جڑے رہیں، اللہ تعالیٰ ہمیں جھوٹی خبریں پھیلانے سے محفوظ رکھے۔ 

وہ دراصل سوشل میڈیا پر وائرل اس سکرین شاٹ کے بارے میں بات کررہے تھے جو اسلام آباد میں وفاقی ملازمین پر تشدد کے بعد سامنے آیا تھا ۔ اس سکرین شاٹ کے متن میں مولانا طارق جمیل کے حوالے سےدعویٰ کیا گیا تھا  کہ میں نے کہا تھا کہ عمران خان ریاست مدینہ بنائیں گے ، لیکن افسوس آج جس طرح اس نے سرکاری ملازمین پر ظلم کے پہاڑ توڑے ، میں بائیس کروڑ عوام سے معافی مانگتا ہوں کہ میں نے عمران خان کے حق میں بیانات دے کر عوام کو دھوکہ دیا۔ اب اس سکرین شاٹ کے موقف کی انہوں نے تردید کرتے ہوئے اسے جعلی قرار دیا۔ 

مزید :

قومی -ڈیلی بائیٹس -