عامر لیاقت حسین کا اپنی تیسری اہلیہ کے والدین سے دراصل رابطہ کیسے ہوا ؟ نئی ساس نے سب کچھ بتا دیا

عامر لیاقت حسین کا اپنی تیسری اہلیہ کے والدین سے دراصل رابطہ کیسے ہوا ؟ نئی ...
عامر لیاقت حسین کا اپنی تیسری اہلیہ کے والدین سے دراصل رابطہ کیسے ہوا ؟ نئی ساس نے سب کچھ بتا دیا
سورس: Instagram

  

کراچی (ویب ڈیسک) رکن قومی اسمبلی ڈاکٹر عامر لیاقت حسین  گذشتہ کئی ہفتوں سے سوشل میڈیا پر اپنی تیسری اہلیہ کے ٹیزر  شیئر کرتے رہے ہیں، انہیں تیسری شادی پر گذشتہ روز وزیراعظم عمران خان نے مبارکباد دی تھی۔دانیہ  کی والدہ سلمیٰ نے مقامی اخبار کو بتایا کہ ان کے خاوند پیر ہیں اور پیری مریدی کی وجہ سے عامر لیاقت کا ہم سے رابطہ ہوا،  دعا ہے کہ اللہ تعالیٰ دونوں کو خوش رکھے اور انہیں بے بہا خوشیاں دے۔

پاکستان تحریک انصاف کے رکن قومی اسمبلی اور ٹی وی میزبان عامر لیاقت کی تیسری شادی کی خبر اور اس کے بعد سوشل میڈیا پر کچھ ویڈیوز سامنے آنے کے بعد مثبت اور منفی تبصروں کا نا ختم ہونے والا سلسلہ شروع ہو گیا۔عامر لیاقت اپنے سسرال میں نکاح کے بعد گانا گاتے بھی دیکھے جا سکتے ہیں۔ ایک اور ویڈیو میں وہ لودھراں سے کراچی آتے ہوئے خوشگوار سفر کے لمحات دیکھے جا سکتے  ہیں۔

اس کے علاوہ  ایک ویڈیو جو عامر لیاقت کی اہلیہ نے بنائی ہے، اس میں جوڑے کو اپنے کمرے میں دیکھا جا سکتا ہے۔

نئی دلہن سیدہ دانیہ عامر نے اپنے سوشل میڈیا اکاؤنٹ پر کہا کہ یہ ان کیلئے انتہائی خاص لمحہ ہے، شوہر عامر لیاقت بچپن سے ہی ان کے آئیڈیل ہیں۔

خیال رہے کہ عامر لیاقت نے جیو کے پروگرام ’عالم آن لائن‘ سے شہرت حاصل کی اور اس کے بعد رمضان ٹرانسمیشنز  اور گیم شوز کی میزبانی نے انہیں شہرت کی بلندی پر پہنچایا۔

مزید :

علاقائی -سندھ -کراچی -