مہنگے ترین ممالک کی فہرست میں پاکستان کا دنیابھر میں 13واں نمبر

                                                                        فیصل آباد (این این آئی)مہنگے ترین ممالک کی فہرست جاری کردی گئی جس میں پاکستان نے مہنگائی کی دوڑ میں سری لنکا کو بھی مات دیدی ہے  غذائی افراط زر کی فہرست میں پاکستان دنیا بھر میں 13 ویں نمبر پر موجود ہے جبکہ ڈیفالٹ ہونیوالے ملک سری لنکا کا فہرست میں 18 واں نمبر ہے ٹریڈنگ اکنا مکس نامی ویب سائٹ کی جانب سے غذائی افراط زر سے متعلق دنیا بھر کے ممالک کی فہرست جاری کی گئی ہے۔فہرست کے مطابق لبنان 352 فیصد مہنگائی کے ساتھ دنیا کا مہنگا ترین ملک قرار دیا گیا 0.4 فیصد کیساتھ چین غذائی افراط زر کے حوالے سے دنیا کا سستا ترین ملک ہے۔مہنگے ترین ممالک کی فہر ست میں وینیزویلا 158 فیصد کیساتھ دوسرے، زمبابوے 108 فیصد کیساتھ تیسرے جبکہ ایران کا 71.5 فیصد کیساتھ فہرست میں چوتھا نمبر ہے  اسی طرح اسلامی ملک ترکی 53.92 فیصد کیساتھ آٹھویں نمبر پر موجود ہے۔ مہنگائی میں اضافے کے بعد پاکستان 48 فیصد کیساتھ 13 ویں نمبر پر موجود ہے  پاکستان کا ہمسایہ ملک بھارت 3.84 فیصد کیساتھ 152 ویں جبکہ بنگلہ دیش کو 9.09 فیصد کیساتھ 111 واں نمبر دیا گیا۔ 

مہنگائی فہرست