پُرامن احتجاج ہر کسی کا حق ہے،نہیں چاہتے 9 مئی جیسے واقعات دوبارہ ہوں:نگراں وزیرِ اعلیٰ پنجاب

سورس: سکرین گریب
لاہور ( ڈیلی پاکستان آن لائن ) نگراں وزیرِ اعلیٰ پنجاب محسن نقوی نے کہا ہے کہ پُرامن احتجاج ہر کسی کا حق ہے،ہم نہیں چاہتے 9 مئی جیسے واقعات دوبارہ ہوں۔
ادویات کی سٹوریج کے لیے گودام کے افتتاح کے موقع پر میڈیا سے گفتگو کرتے ہوئے انکا کہنا تھا کہ چند لوگ 9 مئی واقعے کو دوبارہ کرنے کی منصوبہ بندی کر رہے ہیں۔ اگر کسی نے 9 مئی کی طرح کا واقعہ دہرانے کی کوشش کی تو سخت ردعمل ہو گا، ہم نہیں چاہتے کہ 9 مئی جیسے واقعات دوبارہ ہوں۔ پُرامن احتجاج ہر کسی کا حق ہے، موبائل فون سروس کا بند کرنے کا فیصلہ وفاقی حکومت کا تھا۔
محسن نقوی نے مزید کہا کہ ہم نے اپنا فرض احسن طریقے سے ادا کیا، انتخابی نتائج پر اگر کسی کو اعتراض ہے تو متعلقہ فورم سے رجوع کرے۔