"اینیمل" جیسی فلموں میں کام کرنا چاہتی ہوں، ہما قریشی

نئی دہلی (ڈٖیلی پاکستان آن لائن)بالی ووڈ کی معروف اداکارہ ہما قریشی کا کہنا ہے کہ انہیں فلم" اینیمل" بہت پسند ہے، انکا کہنا تھا کہ وہ "اینیمل" جیسی فلم میں کام کرنا چاہتی ہیں جس میں وہ مشین گن اٹھا سکیں اور ہزاروں لوگوں کو مار دیں۔

بھارتی میڈیا سے گفتگو کرتے ہوئے 37 سالہ ہما قریشی نے کہا کہ انہیں فلم "اینیمل "کی مبالغہ آمیز مردانگی، ایکشن اور موسیقی کافی پسند آئی۔ انہوں نے فلم کو مہارت اور چالاکی پر مبنی قرار دیا۔ 
 ہما قریشی نے' اینیمل "کے تقسیم کرنے والے انداز پر بھی اپنی آرا ءکا اظہار کیا۔ ہما نے کہا کہ جب انہوں نے 2013 ءکی ہالی ووڈ فلم" وولف آف وال سٹریٹ" یا غیر روایتی اور اشتعال انگیز فلمیں دیکھیں تو بطور اداکار میں سمجھتی ہوں کہ فلم "اینیمل" کافی دلچسپ ہے اور میں اسی قسم کی فلم میں کام کرنا پسند کرتی ہوں۔

یادرہے کہ گزشتہ برس دسمبر میں ریلیز ہونے فلم" اینیمل" کی ڈائریکشن سندیپ ریڈی وانگا نے دی ہے، تاہم اس ایکشن تھرلر فلم پر تشدد اور مار دھاڑ کے مناظر فلمانے پر کافی تنقید کی جارہی ہے۔