بالی وڈ سٹارودیا بالن ’اندرا گاندھی‘ بنیں گی

بالی وڈ سٹارودیا بالن ’اندرا گاندھی‘ بنیں گی

ممبئی(نیٹ نیوز) اداکارہ ودیا بالن بہت جلد ایک نہایت مشکل کردار ادا کرنے جارہی ہیں۔وہ اپنے کیریئر میں پہلی مرتبہ ایک سیاست دان کا کردار نبھانے جارہی ہیں ۔ودیا بالن کی یہ نئی فلم لکھاری اور صحافی سگاریکا گوس کی کتاب ’اندرا: بھارت کی سب سے طاقتور وزیر اعظم‘ سے لی جارہی ہے۔ودیا بالن نے یہ بھی بتایا کہ ان کا اگلا پروجیکٹ فلم یا ویب سیریز ہوسکتی ہے۔اداکارہ نے اس حوالے سے مزید کہا کہ ’مجھے خوشی ہے کہ ہمیں سگاریکا کی کتاب پر فلم بنانے کے رائٹس ملے، میں ہمیشہ سے اندرا گاندھی کا کردار ادا کرنا چاہتی تھی، لیکن میں نے اب تک یہ فیصلہ نہیں کیا کہ یہ فلم ہوگی یا ویب سیریز‘۔سگاریکا بھی ودیا بالن کے ان کی کتاب پر فلم بنانے کے ارادے سے کافی خوش ہیں جس کا اظہار انہوں نے اپنے سوشل میڈیا اکاؤنٹ پر کیا۔خیال رہے کہ اس کتاب میں اندرا گاندھی کے سیاسی کیریئر کے بارے میں تفصیل سے بتایا گیا ہے، جبکہ ان کی ذاتی زندگی کے بھی کئی راز اس کتاب میں موجود ہیں۔

مزید : کلچر

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...