پنجاب بھر میں انٹرمیڈیٹ کے امتحانات 5مئی کو شروع ہوں گے

لاہور(ایجوکیشن رپورٹر) پنجاب بھرکے تمام تعلیمی بورڈزنے انٹرمیڈیٹ امتحانات کا شیڈول جاری کر دیا ، انٹرمیڈیٹ کے امتحانات 5مئی سے شروع ہوں گے۔ پارٹ ون اور پارٹ ٹو کا مشترکہ امتحان دینے والے اْمیداروں سے 1600 روپے فیس وصول کی جائے گی۔تفصیلات کے مطابق پنجاب کی انٹر بورڈز کمیٹی چیئرمینز کی جانب سے صوبے کے تمام تعلیمی بورڈز کے تحت انٹرمیڈیٹ امتحانات کا شیڈول جاری کرنے کی منظوری دے دی گئی ہے۔دوسری جانب سنگل فیس کے ساتھ تعلیمی بورڈز میں داخلوں کا اجراء 19 جنوری سے شروع کر دیا جائے گا۔ داخلے ایک مہینے تک جاری رہیں گے۔ تعلیمی بورڈز میں ڈبل فیس کے ساتھ داخلے 20 فروری سے 28 فروری جبکہ تین گنا فیس کے ساتھ داخلے یکم مارچ سے 9 مارچ تک جاری رہیں گے۔ بورڈز اْمیدواروں سے داخلہ کی پراسینگ فیس کی مد میں 400 روپے جبکہ رزلٹ کارڈ کی مد میں 550 روپے فیس وصول کرے گا۔
انٹرمیڈیٹ