بھارتی ریاست اترپردیش میں مضرصحت کھانا کھانے سے9 افراد ہلاک

بھارتی ریاست اترپردیش میں مضرصحت کھانا کھانے سے9 افراد ہلاک

لکھنو(ویب ڈیسک) بھارتی ریاست اترپردیش میں مضرصحت کھانا کھانے سے 9 افراد جان کی بازی ہار گئے، پولیس نے لاشوں کو ہسپتال منتقل کردیا۔

تفصیلات کے مطابق پولیس حکام کا کہنا ہے کہ اترپردیش کے ضلع برابنکی میں یہ واقعہ اس وقت پیش آیا جب علاقہ تھل خرد میں مختلف علاقوں سے تعلق رکھنے والے افراد تقریب میں شرکت کے لیے ایک گھر میں جمع ہوئے۔پولیس حکام کا کہنا ہے خاندانی تقریب میں شرکت کرنے والے ان افراد نے وہاں مضرصحت کھانا کھانے کے بعد گھر کی بنی ہوئی شراب کا استعمال کیا جس کے بعد ان کی طبعیت بگڑنا شروع ہوگئی۔متاثرہ افراد کو فوراََ ٹراما سینٹر منتقل کیا گیا جہاں وہ دوران علاج جان کی بازی ہار گئے، پولیس نے واقعے سے متعلق تحقیقات کا آغاز کردیا۔پولیس حکام کے مطابق لاشوں کو پوسٹ مارٹم کے بعد ورثا کے حوالے کیا جائے گا۔

خیال رہے کہ گزشتہ ماہ یکم دسمبر کو بھارتی ریاست کرناٹک کے علاقے کالابراجی میں شوہر نے کھانے میں تیل زیادہ ہونے کی وجہ سے بیوی پر مٹی کا تیل چھڑک کر آگ لگا دی تھی۔یاد رہے کہ 19 نومبر کو بھارتی ریاست تلنگانہ میں بریانی پکانے سے انکار کرنے پر شوہر نے بیوی کو مارپیٹ کے بعد گھر سے نکال دیا تھا۔

مزید : بین الاقوامی

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...