سی پیک میں افغانستان کو بھی شامل کرنا چاہیئے، پہلی بار طالبان اور امریکہ بھی مذاکرات کیلئے تیار ہیں:آفتاب شیرپاؤ

سی پیک میں افغانستان کو بھی شامل کرنا چاہیئے، پہلی بار طالبان اور امریکہ بھی ...
سی پیک میں افغانستان کو بھی شامل کرنا چاہیئے، پہلی بار طالبان اور امریکہ بھی مذاکرات کیلئے تیار ہیں:آفتاب شیرپاؤ

  

پشاور(ڈیلی پاکستان آن لائن) قومی وطن پارٹی کے سربراہ آفتاب شیرپاؤ نے کہا ہے کہ سی پیک میں افغانستان کو بھی شامل کرنا چاہیئے،پہلی بار طالبان اور امریکہ بھی مذاکرات کے لئے تیار ہیں،اس موقع کو ضائع نہیں ہونا چاہیئے،افغانستان کی حکومت کو بھی اس میں فریق بنایا جائے۔

قومی وطن پارٹی کے سربراہ آفتاب شیر پاؤ نے اپنی رہائش گاہ میں پریس کانفرنس کرتے ہوئے کہا کہ پہلی بار طالبان اور امریکہ بھی مذاکرات کے لئے تیار ہیں،مذاکرات کے اس موقع کو ضائع نہیں ہونا چاہیئے،افغانستان کی حکومت کو بھی اس میں فریق بنایا جائے،طالبان اورامریکا بات چیت سے مسئلہ حل نہیں ہوگا،افغان حکومت کو شامل کیا جائے،افغانستان میں امن کے ثمرات پاکستان سمیت تمام ہمسایہ ممالک کو ہونگے۔ان کا کہنا تھا کہ افغانستان سے امریکہ اور نیٹو افواج کے انخلا کے لئے یہ ایک پہلا قدم ہے،پاک افغان عوام، حکومت اور قیادت کی سطح پر اعتماد بحال کیا جائے،سی پیک میں افغانستان کو بھی شامل کیا جانا چاہیے،ویزوں کے حوالے سے بھی دونوں ممالک کی جانب سے نرمی ہونی چاہیے۔آفتاب شیر پاؤ کا  تحریک انصاف کی حکومت کو بھی تنقید کا نشانہ بناتے ہوئے کہنا تھا کہ موجودہ حکومت کی ترجیحات آج تک سمجھ نہیں آسکیں،معیشت تباہ حال، مہنگائی میں اضافہ، عوام پر بوجھ ڈالا گیا ہے،پہلے کہا کہ قرضوں پر سود نہیں اب پتا چلا ان پربھی سود ہے۔

مزید : علاقائی /خیبرپختون خواہ /پشاور