عثمان بزدار نے دو روز کے اندر لاہور کو کچرے سے پاک کرنے کا الٹی میٹم دے دیا
لاہور(ڈیلی پاکستان آن لائن ) وزیراعلیٰ پنجاب عثمان بزدار نے دو روز کے اندر لاہور کو کچرے سے پاک کرنے کا الٹی میٹم دے دیا۔ہم نیوز کے مطابق وزیراعلیٰ پنجاب نے صفائی سے متعلق اجلاس میں انتظامیہ پر اظہار برہمی کرتے ہوئے کہا کہ رپورٹس ہیں کہ شہر کو کچرا خانہ بنا دیا گیا ہے۔انہوں نے کہا کہ لاہور میں جگہ جگہ کچرا پڑا ہے، دو روز میں پورا شہر صاف نہ ہوا تو سخت ایکشن ہو گا۔وزیراعلیٰ نے ہدایت کی کہ تمام ادارے مل کر لاہور کو صاف بنائیں، کسی کمپنی سے بلیک میل نہیں ہوں گے، جو کام نہیں کرتا اسے فارغ کر دیں۔