سٹاک مارکیٹ پھر مندی کا شکار، انڈیکس میں 48.92پوائنٹس کمی: سرمایہ کاروں کے 13ارب روپے ڈوب گئے
کراچی (اکنامک رپورٹر) پاکستان اسٹاک مارکیٹ میں پیر کو کاروباری اتار چڑھاؤ کے بعد مندی کا رجحان رہا اور کے ایس ای 100انڈیکس 46100پوائنٹس کی سطح کو چھونے کے بعد 45600پوائنٹس کی سطح پر واپس آگیا۔مندی کے سبب مارکیٹ میں سرمایہ کاروں کے 13ارب روپے ڈوب گئے جس کی وجہ سے سرمائے کا مجموعی حجم 83کھرب روپے سے کم ہو کر 82کھرب روپے رہ گیا جبکہ 55فیصد (بقیہ نمبر61صفحہ10پر)
حصص کی قیمتیں بھی گھٹ گئیں۔پاکستان اسٹاک مارکیٹ میں پیر کو کاروبار کا آغاز مثبت ہوا،ٹریڈنگ کے دوران کے ایس ای100انڈیکس 46109پوائنٹس کی بلندسطح پر جا پہنچا تھا تاہم منافع کی خاطرفروخت کے دباؤ کے سبب کے ایس ای100انڈیکس 45600پوائنٹس کی سطح پر واپس آگیا۔پاکستان اسٹاک مارکیٹ میں پیر کو کے ایس ای100انڈیکس میں 48.92پوائنٹس کی کمی واقع ہوئی جس سے انڈیکس 45654.34پوائنٹس سے کم ہو کر 45605.42پوائنٹس پر آگیا جبکہ کے ایس ای30انڈیکس 27.72پوائنٹس کی کمی سے 19123.77پوائنٹس سے کم ہو کر 19096.05پوائنٹس ہو گیا اور کے ایس ای آل شیئرز انڈیکس 31889.53پوائنٹس سے کم ہو کر 31839.24پوائنٹس پر بند ہوا۔کاروباری مندی کے سبب مارکیٹ کے سرمائے میں 13ارب10کروڑ69لاکھ66ہزار779روپے کی کمی ریکارڈ کی گئی جس کے نتیجے میں سرمائے کا مجموعی حجم 83کھرب 11ارب 32کروڑ5لاکھ 25ہزار 166روپے سے کم ہو کر 82کھرب98ارب 21کروڑ35لاکھ 58ہزار387روپے ہو گیا۔پاکستان اسٹاک مارکیٹ میں پیر کو 17ارب روپے مالیت کے 58کروڑ80لاکھ 39ہزار حصص کے سودے ہوہئے جبکہ گذشتہ جمعہ کو 21ارب روپے مالیت کے 69کروڑ64لاکھ34ہزار حصص کے سودے ہوئے تھے۔پاکستان اسٹاک مارکیٹ میں پیر کو مجموعی طور پر 415کمپنیوں کا کاروربار ہوا جس میں سے 173کمپنیوں کے حصص کی قیمتوں میں اضافہ،227میں کمی اور 15کمپنیوں کے حصص کی قیمتوں میں استحکام رہا۔کاروبار کے لحاظ سے سلک بینک لمیٹڈ 6کروڑ99لاکھ،ہم نیٹ ورک 6کروڑ40لاکھ،بائیکو پیٹرولیم 6کروڑ15لاکھ،بینک آف پنجاب 2کروڑ65لاکھ اور پاک ریفائنری 1کروڑ99لاکھ حصص کے سودوں سے سرفہرست رہے۔قیمتوں میں اتار چڑھاؤ کے اعتبا ر سے کولگیٹ پامولیو کے بھاؤ میں 145.00روپے کا اضافہ ہوا جس سے اسکے حصص کی قیمت بڑھ کر 3200.00روپے ہو گئی اسی طرح 35.38روپے کے اضافے سے سروس انڈسٹریز لمیٹڈ کے حصص کی قیمت بڑھ کر 875.89روپے پر جا پہنچی جبکہ سیفائرٹیکسٹائل کے حصص کی قیمت میں 47.61روپے کی کمی واقع ہوئی جس کے بعد اسکے حصص کی قیمت کم ہو کر 912.01روپے ہو گئی اسی طرح 37.09روپے کی کمی سے نیلسے پاکستان کے حصص کی قیمت گھٹ کر 6770.00روپے پر آ گئی۔انٹر بینک اور مقامی اوپن کرنسی مارکیٹ میں پیر کو روپے کے مقابلے ڈالر کی قدر میں اضافہ ریکارڈ کیا گیا۔فاریکس ایسوسی ایشن آف پاکستان کی رپورٹ کے مطابق پیر کو انٹر بینک پیر کو روپے کے مقابلے ڈالر کی قدر میں 3پیسے کا اضافہ ریکارڈ کیا گیا جس سے ڈالر کی قیمت خرید 160.12روپے سے بڑھ کر160.30روپے اور قیمت فروخت160.32روپے سے بڑھ کر160.35روپے ہو گئی اسی طرح مقامی اوپن کرنسی مارکیٹ میں ڈالر کی قدر15پیسے بڑھ گئی جس سے ڈالر کی قیمت خرید 160روپے سے بڑھ کر160.10روپے اور قیمت فروخت160.25روپے سے بڑھ کر160.40روپے ہو گئی۔فاریکس رپورٹ کے مطابق یورو کی قدر میں 50پیسے کی کمی واقع ہوئی جس سے یورو کی قیمت فروخت196روپے سے کم ہو کر195.50روپے پر آ گئی اسی طرح50پیسے کی کمی سے برطانوی پونڈ کی قیمت خرید 215.50روپے سے گھٹ کر214.50روپے اور قیمت فروخت217روپے سے گھٹ کر216.50روپے پر آ گئی۔عالمی مارکیٹ میں فی اونس سونے کی قیمت 1850ڈالر پر مستحکم رہی تاہم ملکی صرافہ مارکیٹوں میں سونے کی قیمت میں کمی کا رجحان رہا۔آل پاکستان سپیرم کونسل جیولرز ایسوسی ایشن کی رپورٹ کے مطابق پیر کو ملکی صرافہ مارکیٹوں میں ایک تولہ سونے کی قیمت 100روپے کی کمی سے1لاکھ13ہزار200روپے ہو گئی اسی طرح85روپے کی کمی سے دس گرام سونے کی قیمت 97ہزار51روپے پر آ گئی۔
سٹاک مارکیٹ
