وہ کمپنی جس کی ویکسین ایک بار لگوانے سے پورا سال کورونا نہیں ہوگا

وہ کمپنی جس کی ویکسین ایک بار لگوانے سے پورا سال کورونا نہیں ہوگا
وہ کمپنی جس کی ویکسین ایک بار لگوانے سے پورا سال کورونا نہیں ہوگا
سورس:   Facebook

  

نیو یارک (ڈیلی پاکستان آن لائن) امریکی بائیو ٹیک کمپنی موڈرنا نے دعویٰ کیا ہے کہ ان کی ویکسین کورونا کے خلاف ایک سال تک کی قوت مدافعت فراہم کرے گی۔

جے پی مورگن ہیلتھ کیئر کانفرنس سے خطاب کرتے ہوئے موڈرنا کے سی ای او سٹیفن بانسل نے کہا کہ ان کی کمپنی کی ویکسین کورونا کے خلاف انتہائی موثر ہے اور یہ ایک سال تک کیلئے قوت مدافعت فراہم کرے گی۔

انہوں نے کہا کہ وہ حالیہ ویکسی نیشن مہم کے دوران کورونا ویکسین کی 60 کروڑ خوراکیں فراہم کریں گے اور سال کے آخر تک اس تعداد کو ایک ارب تک لے جائیں گے۔

فوربز میگزین کے مطابق موڈرنا کمپنی کو اس سال کورونا ویکسین کی مد میں 11 ارب 70 کروڑ ڈالر کا ریونیو حاصل ہوگا۔ یہ وہ رقم ہے جو مختلف حکومتوں کے ساتھ ویکسین کی پیشگی فراہمی کے حوالے سے کیے گئے معاہدوں سے حاصل ہوگی۔ یہاں یہ بھی واضح رہے کہ موڈرنا کمپنی نے کورونا ویکسین سے پہلے آج تک اپنی کوئی پراڈکٹ مارکیٹ میں متعارف نہیں کروائی۔

مزید :

بین الاقوامی -کورونا وائرس -