چیمپئنز ٹرافی،آئی سی سی وفد کا راولپنڈی سٹیڈیم کا دورہ

 لاہور(سپورٹس رپورٹر) چیمپئنز ٹرافی کے حوالے سے انتظامات کا جائزہ لینے کیلئے پاکستان آنے والے آئی سی سی وفد نے دوسرے مرحلہ میں گزشتہ روز پنڈی کرکٹ سٹڈیم کا دورہ کیا اور وہاں چیمپیئنز ٹرافی کے انعقاد کیلئے کئے گئے انتظامات کا تفصیلی جائزہ لیا۔ذرائع کے مطابق آئی سی سی کے 6 رکنی وفدنے راولپنڈی کے سٹیڈیم میں جاری تعمیراتی کام کا تفصیلی جائزہ لیا۔ پی سی بی کے ڈائریکٹر انٹرنیشنل کرکٹ عثمان واہلہ و دیگر متعلقہ حکام نے جاری تزئن و آرائش کے بارے میں بریفنگ دی۔19 فروری سے شروع ہونے والی چیمپئنز ٹرافی میں پنڈی سٹیڈیم میں 3 میچز کھیلے جائیں گے، 24 فروری کو بنگلا دیش کا نیوزی لینڈ، اگلے روز 25 فروری کو آسٹریلیا کا جنوبی افریقا اور 27 فروری کو پاکستان کا بنگلا دیش سے مقابلہ ہو گا۔پاکستان کے دورے کے آخری مرحلے میں آئی سی سی وفد لاہور آئے گا اور قذافی سٹیڈیم میں جاری تعمیراتی کام اور دیگر سہولیات کا جائزہ لے گا، وفد نے جمعرات کو کراچی کے نیشنل سٹیڈیم کا دورہ کیا تھا۔واضح رہے کہ چیمپئنز ٹرافی کے حوالے سے آئی سی سی کا چوتھا وفد پاکستان کا دورہ کر رہا ہے۔