مسلم ٹاؤن، تیز رفتار گاڑی کی ٹکر سے ایک شخص جاں بحق، 3زخمی 

                                                                                    لاہور(کرائم رپو رٹر)مسلم ٹاؤن کے علاقے میں جناح ہسپتال کے قریب تیز رفتار گاڑی نے 2 گاڑیوں کو ٹکر ماری، حادثے میں ایک شخص جاں بحق، تین زخمی ہوگئے۔تفصیلات کے مطابق جناح ہسپتال سے آگے مولانا شوکت علی روڈ یو ٹرن کے قریب حادثہ پیش آیا، پولیس کا کہنا تھا کہ لینڈ کروزر نشے میں دھت شخص نے دوگاڑیوں کو ہٹ کیا،دونوں گاڑیاں و موٹرسائیکل مکمل طور پر تباہ ہوگئیں۔ابتدائی رپورٹ کے مطابق ایک شخص جان کی بازی ہارا، ٹریفک پولیس و پولیس انتظامیہ موقع پر پہنچ گئیں،.حادثے میں تین افراد زخمی اور ایک شخص جاں بحق ہوا،نشے میں دھت ڈرائیور کو حراست میں لے لیا گیا، ڈرائیور کو مسلم ٹاون پولیس اسٹیشن منتقل کر دیا گیا۔عینی شاہدین کا کہنا تھا کہ گاڑی نے تیز رفتاری کے باعث شہری کو ٹکر ماری۔

حادثہ