آج یا کل مذاکرات کیلئے سپیکر کو پیغام دیدیا: حامد رضا

اسلام آباد(آن لائن) تحریک انصاف کی مذاکراتی کمیٹی کے ترجمان صاحبزادہ حامد رضانے کہا ہے کہ سپیکرقومی اسمبلی سے ٹیلیفون پر رابطہ نہیں ہو سکا،میسج کردیا ہے کہ 12یا 13جنوری کو مذاکراتی کمیٹی کے تیسرے اجلاس کیلئے تیار ہیں،تیسری میٹنگ کے بعد اگر 9مئی اور 26 نومبر کے حوالہ سے آزادانہ اور غیر جانبدارانہ جوڈیشل کمیشن تشکیل نہ دیا گیا تو مذاکرات کا عمل معطل ہوجائے گا۔ سپیکر قومی اسمبلی کے بیان پر صاحبزادہ حامد رضا نے ردعمل میں کہا کہ قانون کے مطابق انڈر ٹرائل قیدی سے ملاقات آزادانہ ماحول میں پرائیویسی کے تحت کروائی جاسکتی ہے۔انہوں نے کہا کہ عمر ایوب کی طرف سے سپیکر ایاز صادق سے ٹیلی فونک رابطہ کی کوشش کی گئی مگررابطہ قائم نہ ہوسکا، حامد رضا نے کہا کہ حکومتی مذاکراتی کمیٹی نے بانی پی ٹی آئی سے آزادانہ اور طویل نشست کی ملاقات کی یقین دہانی کروائی تھی جس میں حکومتی کمیٹی مکمل طور پر ناکام رہی، تحریک انصاف کی مذاکراتی کمیٹی آئندہ ہونے والی مذاکراتی میٹنگ کے اندر اپنے مطالبات تحریری صورت میں جمع کروا دے گی۔

حامد رضا