پاکستان نے چیمپئینز ٹرافی کیلئے ابتدائی سکواڈ کے نام جمع کرادیئے،اہم بلے باز بھی شامل

لاہور(ڈیلی پاکستان آن لائن)پاکستان نے آئی سی سی چیمپئنز ٹرافی کیلئے20 سے زائد ابتدائی سکواڈ کے نام جمع کرادیئے۔

نجی ٹی  وی سما نیوز ذرائع کے مطابق سلیکشن کمیٹی نے ابتدائی سکواڈ آئی سی سی کو گزشتہ دو روز قبل جمع کروایا، آئی سی سی ایونٹس کیلئے ٹیموں کو طے شدہ طریقہ کے مطابق سپورٹ پریڈ سے ایک ماہ قبل نام جمع کرانے ہوتے ہیں، آئی سی سی چیمپئنز ٹرافی کا سپورٹ پریڈ 12 فروری سے شروع ہوگا۔

ذرائع کے مطابق ابتدائی سکواڈ میں کپتان محمد رضوان، بابر اعظم ،طیب طاہر،عرفان خان نیازی شامل ہیں، سفیان مقیم، محمد حسنین، عبداللہ شفیق، نسیم شاہ ،عثمان خان،شاہین شاہ آفریدی، حارث رؤف بھی شامل سکواڈ کا حصہ ہیں۔

ابرار احمد،کامران غلام اور سلمان علی آغا ،امام الحق، فخر زمان،حسیب اللہ،عباس آفریدی کا نام بھی ابتدائی سکواڈ میں شامل ہیں۔ صائم ایوب کا نام بھی ابتدائی سکواڈ میں بھیجا گیا۔

قومی سلیکشن کمیٹی نے جنوبی افریقہ کے خلاف 15 رکنی سکواڈ آئی سی سی کو بھجوایا، چیمپئینز ٹرافی کے لئے حتمی سکواڈ کا اعلان دس فروری کو متوقع ہے۔ حتمی سکواڈ میں متعدد تبدیلیاں ہونگی، حتمی سکواڈ میں عبداللہ شفیق، عثمان خان کی شمولیت کا امکان کم ہے۔