بیٹی سوناکشی کے ساتھ اداکاری کرتے ہوئے خوفزدہ تھا‘ شتروگھن سنہا
ممبئی( نیٹ نیوز) بالی ووڈ اداکار شتروگھن سنہا نے کہا ہے کہ فلم ’’ اکیرا‘‘ میں کام کی حامی بیٹی سوناکشی سہنا اور ہدایتکار اے آر مورگداس کے اصرار پربھری ۔ یہ بات انھوں نے ایک انٹرویو کے دوران کہی ۔شترو گھن سنہا کا کہناتھا کہ شتروگھن سنہا کا کہناتھا کہ میں اڑھائی سو سے زائد فلموں میں کام کرچکا ہوں جبکہ ان دنوں سیاست میں بھی بہت مصروف ہوں اس لیے اب میرے لیے فلموں کے لیے وقت نکالنا اور اس کی شوٹنگز کے لیے سفر کرنا بہت مشکل ہے اس لیے فلموں میں کام کی حامی نہیں بھرتا ۔اپنی بیٹی کے ساتھ کام کرنے کے سوال پر انھوں نے مذاق کرتے ہوئے کہا کہ سوناکشی کے ساتھ پہلی مرتبہ اداکاری کرتے ہوئے خوفزدہ تھا کہ وہ بہت مشہور اداکارہ ہیں جبکہ میں ان دنوں سیاست دان ہوں ۔