پیپلز پارٹی کے رہنما حامد حسین طوری فائرنگ سے جاں بحق ہو گئے ، ملزم فرار
کرم ایجنسی ( مانیٹرنگ ڈیسک )کرم ایجنسی میں پاکستان پیپلز پارٹی کے صدر حامد حسین طوری فائرنگ کے نتیجے میں جاں بحق ہو گئے۔
نیو نیوز کے مطابق پی پی پی کے صدر حامد حسین طوری کو گزشتہ رات فائرنگ کر کےقتل کر دیا گیا تاہم ملزمان فرار ہونے میں کامیاب ہو گئے۔
ذرائع کا کہنا ہے کہ حامد حسین طور ی گھر سےملحقہ ڈیرے پر بیٹھے تھے کہ نامعلوم افراد نے فائرنگ کر دی جس کے نتیجے میں وہ شدید زخمی ہو گئے تاہم انہیں ہسپتال منتقل کیا گیا جہاں وہ دم توڑ گئے ۔فائرنگ کے بعد ملزمان فرار ہونے میں کامیاب ہو گئے ۔
روزنامہ پاکستان کی اینڈرائڈ موبائل ایپ ڈاؤن لوڈ کرنے کیلئے یہاں کلک کریں
حکام کا کہنا ہے کہ حامد طوری کو اس وقت قتل کیا گیا جب وہ اپنے ڈیرے پر بیٹھے تھے کہ حملہ آوروں نے ان پر اندھا دھند فائرنگ کر دی ۔ پولیس نے لاش قبضے میں لیکر پوسٹ مارٹم کیلئے منتقل کردی ہے اور ملزمان کی تلاش کا کام شروع کر دیا گیا ہے ۔
روزنامہ پاکستان کی خبریں اپنے ای میل آئی ڈی پر حاصل کرنے اور سبسکرپشن کیلئے یہاں کلک کریں.
