افغان ایئر فورس کا طیارہ گر کر تباہ،امریکی پائلٹ نے چھلانگ لگا کر جان بچائی
کابل(آن لائن) افغان ایئرفورس کا طیارہ گر کر تباہ ہو گیا ہے۔ تفصیلات کے مطابق افغان فضائیہ کا طیارہ اے-29 سپر ٹوکانوٹو صوبے بغلان کے علاقے میں گر کر تباہ ہوا جسے ایک امریکی پائیکٹ اڑا رہا تھا۔ بتایا گیا ہے کہ طیارے گرنے کے فوری بعد طیارے میں آگ بھڑک اٹھی تھی، امریکی پائیلٹ نے چھلانگ لگا کر جان بچائی۔اس حوالے سے امریکی فوج کے ترجمان کی جانب سے کہا گیا ہے کہ یہ طیارہ امریکی فضائیہ کا ابک زیر تربیت پائلٹ اڑا رہا تھا تاہم پائلٹ پیراشوٹ کی مدد سے بروقت طیارے سے چھلانگ لگا نے میں کامیاب رہا۔ حادثے کے بعد امریکی لڑاکا طیارے فوری طور پر جائے حادثہ پر پہنچے اور پائلٹ کو بحفاظت اسپتال منتقل کیا۔ افغان حکام نے اس طیارے کے گرنے میں دہشت گردی کے ملوث ہونے کو مستر دکرتے ہوئے بیان جاری کیا گیا ہے کہ ابتدائی تحقیقات کے مطابق طیارے کو حادثہ مکینیکل خرابی کے باعث پیش آیا تاہم حادثے کی تفتیش کے لیے ایک انکوائری کمیٹی تشکیل دیدی گئی ہے۔پائلٹ کی شناخت ظاہر نہیں کی گئی ہے۔
طیارہ تباہ