سندھ میں کاروکاری کی ذمہ دارپی پی ہے، فضہ ذیشان

سندھ میں کاروکاری کی ذمہ دارپی پی ہے، فضہ ذیشان

  

کراچی (اسٹاف رپورٹر)تحریک انصاف کراچی ڈویژن کی صدر فضہ ذیشان نے سندھ میں خواتین کے ساتھ ہونے والے واقعات پر چیف جسٹس سے سوموٹو لینے کی اپیل کرتے ہوئے کہا کہ سندھ میں کاروکاری کی ذمہ دار پیپلز پارٹی ہے۔انصاف ہاوس کراچی میں فضہ ذیشان نے پریس کانفرنس میں کہا کہ مراد علی شاہ کے علاقے میں خواتین کے ساتھ جو کچھ ہورہا ہے اس پر حیرت ہے کہ وہ ایکشن نہیں لیتے ہیں۔انہوں نے کہا کہ سندھ میں کاروکاری کے واقعات کی ذمہ دار پیپلز پارٹی ہے، سندھ میں آئے روز خواتین کے ساتھ زیادیتوں کا سلسلہ جاری ہے۔اس موقع پر دیگر خواتین کا کہنا تھا کہ اسلامی فلاحی ریاست کی بات کرنے والے خاموش کیوں ہیں۔انہوں نے کہا کہ چائلڈ پروٹیکشن کے لئے رکھی گئی رقم پیپلز پارٹی کے وزرا ڈانس پارٹیوں پر صرف کرتے ہیں۔

مزید :

صفحہ آخر -