وفاقی وزیر فواد چوہدری ن لیگی رہنما خواجہ آصف کے حق میں بول پڑے
اسلام آباد (ڈیلی پاکستان آن لائن )وفاقی وزیر برائے سائنس اینڈ ٹیکنالوجی فواد چوہدری مسلم لیگ ن کے رکن قومی اسمبلی خواجہ آصف کے حق میں بول پڑے ۔مائیکرو بلاگنگ ویب سائٹ ٹوئٹر پر ان کا کہنا تھا کہ سیاسی اختلافات اپنی جگہ ،خواجہ آصف نے کہا پاکستان کے آئین میں تمام مذاہب کوبرابر کی آزادیاں ہیں ان کی یہ بات بالکل درست ہے، اس کو لے کر خواجہ آصف کیخلاف فتویٰ بازی کرنیوالے مودی اور بھارتی شدت پسندوں کی سوچ کے حامل لوگ ہیں ایسی سوچ کو یکسر مسترد کرنے کی ضرورت ہے۔
سیاسی اختلافات اپنی جگہ ،خواجہ آصف نے کہا پاکستان کے آئین میں تمام مذاہب کوبرابر کی آزادیاں ہیں ان کی یہ بات بالکل درست ہے، اس کو لے کر خواجہ آصف کیخلاف فتویٰ بازی کرنیوالے مودی اور بھارتی شدت پسندوں کی سوچ کے حامل لوگ ہیں ایسی سوچ کو یکسر مسترد کرنے کی ضرورت ہے
— Ch Fawad Hussain (@fawadchaudhry) July 12, 2020
واضح رہے کہ قومی اسمبلی کے اجلاس میں خواجہ آصف نے تمام مذاہب سے تعلق رکھنے والے لوگوں کو آئین میں حاصل برابر حقوق کی بات کی تھی ۔