انارکی سالانہ پیداوار ساڑھے 6ہزار ٹن تک پہنچ گئی، محکمہ زراعت

قصور  (اے پی پی) ماہرین زراعت نے کہاہے کہ پاکستان میں انارکا زیرکاشت رقبہ 13493 ہیکٹرزاور سالانہ پیداوار ساڑھے 6ہزار ٹن تک پہنچ گئی ہے جبکہ باغبان بیدانہ،  میٹھا، قندھاری، جھالاری،  ترش، علی پور اقسام کا انارکاشت کرکے شاندار فصل حاصل کرسکتے ہیں۔ انہوں نے بتایا کہ 100گرام انارمیں 70گرام کیلریز،  6.1ملی گرام وٹامن سی،  3ملی گرام کیلشیم، 17,17گرام کاربوہائیڈریٹ0.30ملی گرام آئرن، 8ملی گرام فاسفورس، 0.12ملی گرام زنک، 259ملی گرام پوٹاشیم، 3ملی گرام میگنیشیم، 0.6ملی گرام فائبرہوتاہے۔