ہماری خارجہ پالیسی قومی امنگوں کی ترجمان، پاکستان امن، بھارت دہشتگرد وں کیساتھ ہے: گورنر پنجاب 

لاہور(این این آئی) گور نرپنجاب چوہدری سرور نے کہا ہے کہ پاکستا ن امن اور بھارت دہشتگردوں کیساتھ ہے،افغانستان میں امن کیلئے پاکستان نے مکمل نیک نیتی کیساتھ اپنا کردار ادا کیا ہے مگر بھارت افغانستان میں امن نہیں انتشار چاہتا ہے‘پاکستان کی خارجہ پالیسی قومی امنگوں کی تر جمان ہے‘دورہ امر یکہ کے دوران کشمیر اور فلسطین کے حقائق اور امن کے لیے پاکستان کے کردار بارے امر یکی عہدیداروں کو بتایا ہے سب امن کے لیے پاکستانی کردار کو سراہتے ہیں‘پنجاب آب پاک اتھارٹی کے 1500سے زائد منصوبوں پر کام جاری ہے دسمبر تک7.5ملین افراد کو پینے کا صاف پانی فراہم کر دیا جائیگا‘پنجاب میں بطور چانسلر میں نے 18وائس چانسلر مکمل طور پرمیرٹ پر لگائے ہیں یونیورسٹیز میں میرٹ سے ہٹ کر کسی اقدام کو برداشت نہیں کیا جائے گا۔اتوار کے روز گور نرہاؤس میں میڈیا کے نمائندوں سے گفتگو کے دوران گور نر پنجاب چوہدری محمدسرور نے کہا کہ افغانستان میں پاکستان کسی گروپ کی حمایت یا مخالفت نہیں کر رہا کیونکہ افغانستان کے بارے میں فیصلہ اب افغان عوام نے ہی کر نا ہے پاکستان پہلے بھی امن کیساتھ کھڑا ہے آئندہ بھی ہم امن کے لیے اپنا کردار ادا کرتے رہیں گے کیونکہ افغانستان میں امن کا سب سے زیادہ فائدہ پاکستان کو ہی ہوگادہشت گردی کے خلاف جنگ میں بھی پاکستان نے سب سے زیادہ قر بانیں دیں ہیں۔دورہ امر یکہ کے بارے میں گور نر پنجا ب نے بتایا کہ امر یکی عہدیداروں سے کامیاب ملاقاتیں ہوئی ہیں وہاں امر یکی عہدیداروں کو دہشت گردی کے خلاف اور امن کے کردار کے لیے پاکستان کی قر بانیوں بارے بتایا اور سب امن کے لیے پاکستان کے کردار کو سراہتے ہیں امر یکہ میں پاکستانی اور بھارت سے تعلق رکھنے والی سکھ کیمونٹی ایک پیج پر ہیں اورسکھ کیمونٹی کشمیر سمیت دیگر ایشوز پر ہمیشہ پاکستان کے موقف کیساتھ کھڑے ہوتے ہیں اور میں نے اوورسیز پاکستانیوں پرزور دیا ہے کہ وہ امر یکہ میں بھر پورسیاست کر یں انشا اللہ کامیابی انکا مقدر ہوگی۔ایک سوال کے جواب میں چوہدری محمدسرور نے کہا کہ بھارت ہمیشہ سے پاکستان کو عدم استحکام کا شکار کر نے کے ایجنڈے پر کام کر رہا ہے اور سب جانتے ہیں کہ پاکستان میں امن کیخلاف ہونیوالی سازشوں کے پیچھے بھی بھارت کا ہاتھ ہوتا ہے آج افغانستان کے معاملے پر بھی بھارت دہشت گردی اور انتشار پھیلانیوالوں کا ساتھ دے رہاہے او ر یہ بات بھی حقیقت ہے کہ سفارتی محاذ پر پاکستان نہیں بلکہ آج بھارت تنہا ہو چکا ہے اور پاکستان سفارتی محاذ پر کامیابیوں کیساتھ آگے بڑھ رہا ہے۔ گور نر پنجا ب نے پنجاب آب پاک اتھارٹی کے حوالے سے گفتگو کے دوران بتایا کہ بدقسمتی سے بیوروکریسی کی رکاوٹوں کی وجہ سے پنجاب آب پاک اتھارٹی میں ہمیں مشکلات کا سامنا رہا ہے مگر آج حکومت بیوروکریسی اور پنجاب آب پاک اتھارٹی ایک پیج پر ہے اور لاہور سمیت پنجاب کے تمام شہروں اور دیہاتوں میں سیاسی تفر یق کے بغیر عوام کو پینے کا صاف پانی فراہم کر نے کیلئے پندرہ سو منصوبوں پر کام کا آغاز ہوچکا ہے اسکے ساتھ ساتھ ہم فلاحی تنظیموں کیساتھ ملکر بھی مختلف شہروں میں بند فلٹریشن پلانٹس کو بحال کر رہے ہیں۔
گورنر پنجاب