عمرا ن خان، سی پیک پر نواز شریف کا لکھا نام کیسے ہٹاؤ گے؟ مریم اورنگزیب

اسلام آباد(سٹاف رپورٹر) مسلم لیگ(ن) کی ترجمان مریم اورنگزیب نے کہا ہے کہ عمران صاحب کی کل کارکردگی جھوٹ، بدزبانی، بد کلامی، بد اخلاقی ہے،عمران صاحب کی کارکردگی نواز شریف اور شہباز شریف کے منصوبے پہ نئی تختیاں لگانا اورپرانی اکھاڑنا ہے،عمران صاحب ایٹمی پروگرام سے نواز شریف کا نام کیسے مٹاؤ گے؟عمران صاحب سی پیک پر نوازشریف کالکھا نام کیسے ہٹاؤگے؟عمران صاحب شوکت خانم ہسپتال کا افتتاح بھی نوازشریف نے کیا تھا، کیا اس کا نام بھی بدلو گے؟گر ا کر پھر بناؤگے؟عمران صاحب منصوبوں پر تختیاں اہم نہیں ہوتیں بلکہ خدمت کا جذبہ انسان کے عمل اور نیت میں جھلکتا ہے،نوازشریف اور شہبازشریف نے دن رات پاکستان کے عوام کی خدمت کی ہے بائیس کروڑ عوام کے دل میں نوازشریف اور شہبازشریف کی خدمت کی تختیاں لگی ہوئی ہیں۔اتوار کو سماجی رابطے کی ویب سائٹ ٹویٹر پر اپنے ایک بیان میں مریم اورنگزیب نے کہا کہ عمران صاحب  3سال میڈیا، سیاسی مخالفین کو جیل میں ڈالنے پر آپ کی توجہ نہ ہوتی تو آج نواز شریف کی تختیاں اکھاڑنے کی ضرورت نہ پڑتی،عمران صاحب کی کل کارکردگی جھوٹ، بدزبانی، بد کلامی، بد اخلاقی ہے،عمران صاحب کی کارکردگی نواز شریف اور شہباز شریف کے منصوبے پہ نئی تختیاں لگانا اورپرانی اکھاڑنا ہے،عمران صاحب کی کارکردگی نوازشریف کڈنی ہسپتال کا نام بدلنا ہے،سوات میں گردوں کے علاج کا ہسپتال سرکاری وسائل سے تعمیر نہیں ہوا تھا،اس ہسپتال کی تعمیر نجی عطیات کے ذریعے ہوئی تھی،بدترین سیلاب کے بعد 2010میں یہ ہسپتال تعمیر کرنے کا فیصلہ ہوا تھا،یہ ایک ٹرسٹ ہسپتال ہے،ہسپتال کی تعمیر میں کوششوں پر نوازشریف کے نام پر اس ہسپتال کا نام رکھا گیا،افسوس چھوٹی گھٹیا ذہنیت عوام کی خدمت میں ناکامی پر کم ظرف حرکتیں کرتی ہے، مریم اورنگزیب نے کہا کہ الزامات کا بیانیہ عدالتوں میں تباہ ہو گیا۔
مریم اورنگزیب