ملک اس وقت معاشی بحران، سیاسی انتشار اور اخلاقی انحطاط کاشکار ہے: سراج الحق 

 ملتان (سٹی رپورٹر) امیر جماعت اسلامی سراج الحق نے کہا ہے کہ ملک اس وقت معاشی بحران، سیاسی انتشار اور اخلاقی انحطاط کا شکار ہے  آئی ایم ایف کی مرضی اور حکم نے ملک کی آزادی و مستقبل کو گہرے خطرات سے دوچار کردیا حکومت کی پالیسی آئی ایم ایف کے زیر اثر ہونے کی وجہ سے قومی معاشی صورتحال مزید (بقیہ نمبر38صفحہ6پر)
ابتری کاشکار ہے  نئے بجٹ کے اثرات سے مہنگائی میں مسلسل اضافہ ہورہاہے۔حکومت بے روزگاری، مہنگائی، لوڈشیڈنگ جیسی اذیتوں کا حل نکالنے میں مکمل ناکام نظرآتی ہے۔ پی ٹی آئی حکومت کی تین سالہ کارکردگی نے عوام کے صدمے اور شرمندگی کے احساس کو مزید گہرا کردیا   اسلام کا نظام ہی انسانیت کی فلاح اور کامیابی کی ضمانت ہے۔ ملک میں اسلام کے نفاذ کے لیے عوام کی تائید کے ذریعے حقیقی تبدیلی چاہتے ہیں تاکہ ایک فلاحی ریاست کا حقیقی خواب پورا کیا جاسکے۔جماعت اسلامی کو موقع ملا تو آئی ایم ایف، ورلڈ بنک سے قرضوں کی بجائے زکوٰۃ و عشر کے نظام سے ملک سے سودی نظام کا خاتمہ کریں گے۔ ان خیالات کااظہار منصورہ میں مرکزی تربیت گاہ کے شرکاء سے خطاب کرتے ہوئے کیا  سراج الحق نے کہاکہ نئے وفاقی بجٹ کے اثرات عوام کے لیے کورونا کی چوتھی لہر سے زیادہ خطرناک ہیں  اشیائے ضروریہ کی قیمتوں میں ہر روز اضافہ کیا جارہاہے گزشتہ دو ہفتوں کے دوران پٹرولیم مصنوعات، گیس، بجلی، آٹا، چینی،گھی کی قیمتوں میں بار بار اضافہ کیا جاچکاہے   عوام جنہوں نے گزشتہ الیکشن میں پی ٹی آئی کی سپورٹ کی تھی، آج وہ اس کی کارکردگی کی وجہ سے شدید شرمندگی اور مایوسی کا شکار ہیں۔ حکومت مہنگائی، بے روزگاری، لوڈشیڈنگ کا حل نکالنے سے قاصر ہے۔سراج الحق نے کہاکہ وزیراعظم نے عوام سے کیے گئے وعدے پورے کرنے کی بجائے بالکل اس کے برعکس مسلسل اقدامات کیے ہیں جس سے نوجوانوں میں بڑے پیمانے پر مایوسی اور بے چینی پائی جاتی ہے۔ انہوں نے کہاکہ حکومت کے خلاف اپنی تحریک کو جاری رکھیں گے اور آنے والے دنوں میں اس کو مزید منظم کرتے ہوئے بڑے پیمانے پر عوامی جلسوں کا اہتمام کیا جائے گا۔ حکومت کو مجبور کریں گے کہ وہ عوام سے کیے گئے اپنے وعدے پورے کرے۔ انہوں نے کہاکہ حکومت نے اپنا رویہ تبدیل نہ کیا تو وہ وقت دور نہیں جب عوام بڑے پیمانے پر جماعت اسلامی کے پلیٹ فارم پر جمع ہو کر حکومت کا احتساب کریں گے جماعت اسلامی اپوزیشن کا حقیقی کردار ادا کرتے ہوئے عوام کی آواز بنے گی اور حکومت کے ظالمانہ اقدامات کے خلاف مزاحمتی جدوجہد کو جاری رکھے گی۔سراج الحق نے کہاکہ کارکنان ملک میں سودی نظام کے خاتمے اور حکومت کی طرف سے ہونے والی زیادتیوں کے خلاف اپنی جدوجہد کو تیز کردیں۔ جماعت اسلامی اب بہترین آپشن ہے وہ وقت دور نہیں جب پاکستان کے اندر حقیقی معنوں میں اللہ کا قانون نافذ  اور اسلامی فلاحی راست کا خواب شرمندہ تعبیر ہوگا۔  
سراج الحق