انگلینڈ کو شکست، اٹلی نے یوروکپ کی ٹرافی اپنے نام کرلی
لندن(ڈیلی پاکستان آن لائن ) یورو فٹ بال کپ کے فا ئنل میں انگلینڈ اور اٹلی کے درمیان سنسنی خیز مقابلہ کے بعد اٹلی نے دو کے مقابلے میں تین گول سے انگلینڈ کو شکست دے کر ٹرافی اپنے نام کر لی۔
تفصیلات کے مطابق ویمبلے سٹیڈیم میں اٹلی اور انگلینڈ کے درمیان کھیلے جانے والے فائنل میں ابھی میچ کا دوسرا ہی منٹ تھا کہ انگلینڈ کی طرف سے اٹلی کیخلاف پہلا گول کر دیا گیا ،پہلے ہاف کے اختتام تک اٹلی کی طرف سے کئی بار کوشش کے باوجود گول برابر ہو سکا۔
سیکنڈ ہاف کے آغازمیں اٹلی کے کھلاڑی لیونارڈو بونشی گول کرنے میں کامیاب ہوگئےجس کے بعدمقابلہ ایک ایک گول سے برابر ہوگیا۔کھیل کے اختتام تک سکور بورڈ پر یہی پوزیشن رہی ، اضافی وقت دئیے جانے کے باوجود کھیل برابر رہااور فیصلہ پنالٹی ککس پر آگیا ۔
پنالٹی ککس میں اٹلی نے تین اور انگلینڈ نے دو گول کئے اور اس طرح سے انگلینڈ کی طرف سے یورو کپ کا ٹائٹل حاصل کرنے کی خواہش پوری نہ ہو سکی جبکہ اٹلی نے دوسری بار یورو کپ کا ٹائٹل جیت لیا ، جیت کے بعد اٹلی میں جشن کا سماں چھا گیا ، لوگ سڑکوں پر نکل آئے اور مختلف طریقوں سے خوشی کا اظہار کرتے رہے جبکہ انگلینڈ کی سڑکیں ویران ہو گئیں۔
