ایم نائن پر بارش کا سلسلہ جاری،موٹر وے پولیس نے اہم ہدایات جاری کردیں
کراچی (ڈیلی پاکستان آن لائن ) ایم نائن سے حیدر آباد پر وقفے وقفے سے بارش کا سلسلہ جاری ہے جس کے باعث موٹروے پولیس کی جانب سے مسافرین کو اہم ہدایات جاری کردی گئی ہیں۔
نجی ٹی وی سما نیوزکے مطابق موٹروے حکام کا کہنا ہے کہ ڈرائیورز اپنی گاڑی کی حد رفتار کم رکھیں،اکثر مقامات پر روڈ پر پھسلن ہو جاتی ہے لہٰذا گاڑی احتیاط سے چلائیں، برساتی موسم میں اپنی گاڑی کے وائپرز کو چیک کرلیں۔
حکام کا کہنا ہے کہ موٹرو ے پولیس کا عملہ مدد اور رہنمائی کے لئے ٹول پلازہ پر موجود ہے۔
