بلوچستان،ٹرک اور مسافر وین میں تصادم،ایک ہی خاندان کے 7افراد جاں بحق

  بلوچستان،ٹرک اور مسافر وین میں تصادم،ایک ہی خاندان کے 7افراد جاں بحق

  

کوئٹہ(آئی این پی) حب کے علاقے وندر کے قریب ٹرک اور وین میں تصادم کے نتیجے میں خواتین اور بچوں سمیت ایک ہی خاندان کے 7افراد جاں بحق اور 4 زخمی ہوگئے۔ منگل کوبلوچستان کے علاقے حب میں وندرکے قریب قومی شاہراہ پر ٹرک اورویگن میں تصادم کے باعث خواتین اور بچوں سمیت ایک ہی خاندان کے 7 افراد جاں بحق اور4 زخمی ہوگئے۔ حادثے کا شکار ہونے والے اپنے رشتے داروں سے ملنے کوئٹہ سریاب روڈ جا رہے تھے۔ریسکیو ذرائع کے مطابق حادثہ  تیزرفتاری کے باعث پیش آیا۔ حادثے کے بعد جاں بحق اور زخمی افراد کو حب اور کراچی منتقل کردیا گیا۔ جاں بحق ہونے والے لیاقت آباد بلوچ پاڑہ کے رہائشی تھے، حادثے میں کراچی سول اسپتال پہنچ کر جاں بحق ہونے والے شخص کی شناخت حذیفہ کے نام سے ہوئی ہے۔جاں بحق افراد کے اہل خانہ نے کہا  ہے کہ وندر میں جاں بحق ہونے والوں میں گھر کا سربراہ محمد عظیم ہائی ایس وین چلا رہا تھا، جاں بحق ہونے والوں میں متوفی عظیم کی اہلیہ اور بیٹا بھی شامل ہیں۔ زخمیوں میں میر ملک داد، عظمیر، پارس اور انعم شامل ہیں۔

بلوچستان حادثہ

مزید :

صفحہ آخر -