شاداب خان سی پی ایل میں گیانا ایمازون واریئرز کیلئے کھیلیں گے

شاداب خان سی پی ایل میں گیانا ایمازون واریئرز کیلئے کھیلیں گے

  

سینٹ لوشیا(سپورٹس ڈیسک)کیریبیئن پریمیئر لیگ کے گزشتہ سیزن میں شرکت سے محروم رہ جانے والے شاداب خان اس بار گیانا ایمازون واریئرز کے سکواڈ میں جگہ بنانے میں کامیاب ہوگئے ہیں۔افغانی سپنر راشد خان نے یورو ٹی ٹوئنٹی لیگ میں شرکت کا فیصلہ کیا ہے، جس کے باعث گیانا ایمازون واریئرز نے ان کا خلا پورا کرنے کے لیے سی پی ایل ڈرافٹ کے پہلے ہی راؤنڈ میں شاداب خان کو منتخب کر لیا۔الیکس ہیلز بارباڈوس ٹرائیڈنٹس، لیستھ مالنگا سینٹ لوسیا اسٹارز اور اسورو اڈانا سینٹ کٹس کی نمائندگی کریں گے، آندرے رسل اور ڈیوائن براوو کو جمیکا تلاواز نے برقرار رکھا ہے۔ ٹرائیڈنٹس نے وہاب ریاض کو برقرار رکھا ہے، دفاعی چیمپئن ٹرنباگو نائٹ رائیڈرز نے نوجوان سپیڈ سٹار محمد حسنین کو منتخب کیا ہے۔ پہلے راؤنڈ میں منتخب ہونے والے ہر کرکٹر کو ایک لاکھ 60 ہزار امریکی ڈالر جیب میں ڈالنے کا موقع ملے گا۔کیریبیئن پریمیئر لیگ کے گزشتہ سیزن میں شرکت سے محروم رہ جانے والے شاداب خان اس بار گیانا ایمازون واریئرز کے سکواڈ میں جگہ بنانے میں کامیاب ہوگئے ہیں۔

مزید :

کھیل اور کھلاڑی -