پٹرلیم مصنوعات کا بحران تھمنے کا نام نہیں لے رہا،پرویز ملک

پٹرلیم مصنوعات کا بحران تھمنے کا نام نہیں لے رہا،پرویز ملک

  

لاہور(جنرل رپورٹر) مسلم لیگ ن لاہور کے صدر و رکن قومی اسمبلی محمد پرویز ملک، و جنرل سیکرٹری و رکن پنجاب اسمبلی خواجہ عمران نذیر اور ایڈیشنل سیکرٹری اطلاعات عامر خان نے کہا ہے کہ حکمرانوں کی نالائقیوں کی وجہ سے پیٹرولیم مصنوعات کابحران تھمنے کا نام نہیں لے رہا بلکہ مزیدطوالت اختیار کرتا جا ریا ہے، نالائقوں کا ٹولہ عوام اور ملک پر مسلط رہا تو تمام ادارے تباہ ہو جائیں گے،حکومت کی بیڈ گورنس کی وجہ سے کورونا وائرس کا پھیلاؤ رکنے کا نام نہیں لے رہا بلکہ مزید تیزی آ رہی ہے۔ کھلنڈرے حکمرانوں کے قوم کے سینے پر لگائے گئے مہنگائی کے زخموں کا حساب دینا ہو گا۔

,نالائق حکمران کورونا وائرس پر کم اور امدادی رقم وصول کرنے اور سیاسی مخالفین کو دبانے پر زیادہ توجہ ہے،تحریک انصاف چندہ پارٹی ہے اور رہے گی،لیکن کبھی حساب کتاب نہیں دیں گے۔صوبے اور وفاق نہ جانے کس کی پالیسیوں کے مطابق چل رہے ہیں۔12 کروڑ پنجاب کی آبادی کے لیے نہ ہونے کے برابر ہے۔ان خیالات کا اظہار انہوں نے گذشتہ روز پارٹی آفس میں رہنماؤں و کارکنوں سے گفتگوکرتے ہوئے کیا اس موقع پر سید توصیف شاہ،غزالی سلیم بٹ،کرنل مبشر جاوید،چوہدری عبدالمجید چن نمبردار، چوہدری شہباز سمیرا امجد،ثمریہ نذیرچوہدری،رانا احسن شرافت سمیت دیگر بھی موجود تھے۔۔انہوں نے مزید کہا کہ ان کو مزید موقعہ دیا گیا تو یہ پورے ملک کو کھنڈرات میں تبدیل کردینگے،حکمرانوں کی نا اہلی اور نالائقیوں کی وجہ سے امن و امان کی صورت حال کے ساتھ ساتھ ملکی معیشت کا بھی برا حال ہے۔ حکمران عوام کو گمراہ کرنے کی بجائے انہیں مہنگائی سے نجات دلائیں اور وعدے کے مطابق 50لاکھ گھر اورایک کروڑ نوکریاں دیں۔

مزید :

میٹروپولیٹن 1 -