کورونا ویکسی نیشن سے انکار، پولیس افسران و اہلکارمعطل، تنخواہیں بھی روک دی گئیں

کورونا ویکسی نیشن سے انکار، پولیس افسران و اہلکارمعطل، تنخواہیں بھی روک دی ...
کورونا ویکسی نیشن سے انکار، پولیس افسران و اہلکارمعطل، تنخواہیں بھی روک دی گئیں

  

کراچی(ڈیلی پاکستان آن لائن) کورونا وائرس سے بچاﺅ کی ویکسی نیشن نہ کروانے پر پولیس افسران اور اہلکاروں کی شامت آگئی، سندھ پولیس نے671  افسران اور اہلکاروں کی تنخواہ بند کرنے کا حکم دے دیا جبکہ خیبر پختونخوا محکمہ پولیس کی جانب سے چھ خواتین اہلکاروں کو معطل کردیا گیا۔

تفصیلات کے مطابق ایس ایس پی قمبر شہدادکوٹ ڈاکٹر سمیر نور چنہ نے پریس ریلیز جاری کی جس کے مطابق کورونا سے بچاوکی ویکسین نہ لگوانے والوں کی تنخواہیں حکومت سندھ کے فیصلے کے تحت روکی گئی ہیں جن میں 37 انسپکٹر، 33 سب انسپکٹر، 27 اے ایس آئی، 68 ہیڈ کانسٹیبل، 506 کانسٹیبل اور دفتری عملہ شامل ہے۔ایس پی قمبر شہداد کوٹ کا کہنا ہے کہ ویکسین لگوانے پر اہلکاروں کی تنخواہیں جاری کردی جائیں گی۔

دوسری جانب ڈی پی او بنوں نے بھی کورونا وائرس سے بچاﺅ کے لئے ویکسی نیشن نہ کروانے والی چھ خواتین پولیس اہلکاروں کی معطلی کے ساتھ ساتھ انکی تنخواہیں روکنے کا بھی حکم نامہ جاری کردیا۔

واضح رہے کہ کورونا ویکسین کے حوالے سے حکومتی احکامات کے مطابق تمام محکمہ جات نے ملازمین کو آخری وارننگ دے رکھی ہے۔

مزید :

اہم خبریں -قومی -کورونا وائرس -