کامن ویلتھ گیمز،قومی ہاکی ٹیم کیلئے بڑا چیلنج

کامن ویلتھ گیمز،قومی ہاکی ٹیم کیلئے بڑا چیلنج
کامن ویلتھ گیمز،قومی ہاکی ٹیم کیلئے بڑا چیلنج

  

پاکستان ہاکی ٹیم آج کل کامن ویلتھ گیمز کی تیاریوں میں دن رات کوشاں ہے اور پی ایچ ایف بھی اس حوالے سے پر امید ہے کہ اس میگا ایونٹ میں پاکستان ہاکی ٹیم عمدہ پرفارمنس کا مظاہرہ کرے گی مگر ٹیم کی کارکردگی تو تب سامنے آئے گی جب وہ حخریف ٹیموں کے خلاف میدان میں اترے گی کامن ویلتھ گیمز یقینی طور پر پاکستان ہاکی ٹیم کے لئے ایک بہت بڑا امتحان ہے اور اس کے ساتھ ساتھ ہاکی ٹیم کے نئے ہیڈ کوچ جنکی حال ہی میں تعیناتی ہوئی ہے ان کے لئے بھی ایک بہت بڑا امتحان ہے پاکستان ہاکی ٹیم طویل عرصہ سے ناکامیوں کا سفر کررہی ہے اور اب تک کوئی بڑی کامیابی اسکامقدر نہیں بن سکتی کامن ویلتھ گیمزمیں دنیا بھر سے مضبوًط ٹیمیں شرکت کررہی ہیں اور ان سے مقابلہ پاکستان ہاکی ٹیم کے لئے آسان نہیں ہوگا ہاکی ٹیم میں شامل کھلاڑی اس وقت مکمل پرعزم نظر آتے ہیں اور ان کے لئے بھی یہ ایونٹ بہت اہمیت کاحامل ہے اگر پاکستان کی ہاکی ٹیم اس ایونٹ میں عمدہ پرفارمنس دکھاتی ہے اورکوئی پوزیشن حاصل کرنے میں کامیاب ہوجاتی ہے تو اس سے پاکستان ہاکی ٹیم کو مستقبل میں بہت فائدہ ہوگا ایک طویل عرصہ سے پاکستان ہاکی ٹیم تنزلی کا شکار ہے اور اس وقت ضرورت اس بات کی ہے کہ ملک میں اس کھیل کی ترقی کے لئے بھرپور اقدامات کئے جائیں اور سب سے پہلے سیاست کا عمل دخل ختم کیا جائے جس کی وجہ سے کھیل کو بہت نقصان ہوچکاہے کامن ویلھ گیمز کی تیاریوں کے لئے کیمپ جاری ہے جس میں شریک کھلاڑی دن رات اپنی خامیاں دور کرنے میں مصروف ہیں اور امید ہے کہ ان کی محنت رنگ لیکر آئے گی اور شائقین ہاکی کو جو امیدیں ان سے وابستہ ہیں وہ بھی پوری ہوں گی ہیڈ کوچ کی قابلیت قابل تعریف ہے ماضی میں غیرملکی کوچ بہت اچھی پرفارمنس دے چکے ہیں اور اب پاکستان ہاکی ٹیم کی ترقی اور اس کوجیت کی راہ پر گامزن کرنا ان کے لئے ایک نیا امتحان ہوگا اور امید ہے کہ پاکستان کی ہاکی ٹیم مستقبل میں کامیابیوں کے سفرپرگامزن ہے اور اس ایونٹ میں کامیابی حاصل کرنے کے لئے قومی ہاکی ٹیم کو بہت محنت کرنا ہوگی اور نئے کوچ کے ساتھ مکمل تعاون کرنیکی بھی ضرورت ہے پوری قوم کی خواہش ہے کہ پاکستان کی ہاکی ٹیم اب فتوحات کا نہ رکنے والا سفر شروع کرے۔

مزید : رائے /کالم