نواز شریف کسی غلط فہمی میں نہ رہیں،بلٹ پروف شیشے میں خطاب کیا کریں:شیخ رشید

نواز شریف کسی غلط فہمی میں نہ رہیں،بلٹ پروف شیشے میں خطاب کیا کریں:شیخ رشید

راولپنڈی (جنرل رپورٹر ) عوامی مسلم لیگ کے سربراہ شیخ رشید نے نواز شریف پر جوتا پھینکنے کے واقعے کی مذمت کرتے ہوئے کہا ہے نواز شریف پر جوتا پھینکنا ایک غیر اخلاقی بات ہے، نواز شریف کسی غلط فہمی میں نہ رہیں اور بلٹ پروف شیشے میں خطاب کیا کریں۔ اتوار کو نواز شریف کو جوتا مارنے پر ردعمل کا اظہار کرتے ہوئے شیخ رشید نے کہا کہ نواز شریف پر جوتا پھینکنا ایک غیر اخلاقی بات ہے۔ غیر اخلاقیات اور عدم تشدد کی جو ہوا نکل آئی ہے، یہ غلط ہے جس شریف آدمی نے جوتا مارا ہے وہ کچھ اور بھی مار سکتا تھا۔ ویڈیو دیکھیں تو آپ کو اندازہ ہوتا ہے کہ جب اس نے جوتا مارا تو وہاں کھڑے لوگ ہنس بھی رہے تھے۔ انہوں نے کہا کہ اس ملک میں سیاست میں ایک بحران اور ہلچل ہے، لوگ بے روزگار ہیں اور ان کی معاشی حالت خراب ہے۔ کارخانے بند ہو رہے ہیں اور لوگوں کے پاس کفن دفن کے پیسے نہیں ہیں لیکن یہ کہہ رہے ہیں کہ ہم نے ملک کی تقدیر بدل دی ہے۔

مزید : پشاورصفحہ آخر

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...