نواز شریف پر جوتا پھینکنے والے تینوں ملزموں کو 14روزہ ریمانڈ پر جیل بھجوادیا گیا

نواز شریف پر جوتا پھینکنے والے تینوں ملزموں کو 14روزہ ریمانڈ پر جیل بھجوادیا ...
نواز شریف پر جوتا پھینکنے والے تینوں ملزموں کو 14روزہ ریمانڈ پر جیل بھجوادیا گیا

  

لاہور(ڈیلی پاکستان آن لائن) سابق وزیراعظم نواز شریف پر جوتے پھینکنے کے تینوں ملزمان کو 14 روزہ ریمانڈ پر جیل بھجوادیا گیا ہے۔

ایکسپریس نیوز کے مطابق لاہور کی کینٹ کچہری میں جوڈیشل مجسٹریٹ زرتاشہ بگٹی کی عدالت میں سابق وزیراعظم نواز شریف پر جوتا پھینکنے کےخلاف کیس کی سماعت ہوئی۔ تھانہ قلعہ گجر سنگھ پولیس نے تینوں ملزمان عبدالغفور، منور حسین اور محمد ساجد کو عدالت میں پیش کیا۔ ملزم کی پیشی کے وقت کچہری میں سیکیورٹی کے سخت انتظامات کئے گئے تھے۔

سماعت کے دوران پولیس نے ملزمان کو جوڈیشل ریمانڈ پر جیل بھجوانے کی استدعا کردی، جسے عدالت نے منظور کرتے ہوئے تینوں ملزمان کو 14 روزہ عدالتی ریمانڈ پر جیل بھجوا دیا۔

واضح رہے کہ گزشتہ روز جامعہ نعیمیہ لاہور میں منعقدہ سیمینار میں نواز شریف کو اس وقت جوتا مارا گیا تھا جب وہ خطاب کےلیے کھڑے ہی ہوئے تھے۔

مزید : قومی /علاقائی /پنجاب /لاہور