کراچی کنگز کے کپتان عماد وسیم کی حالت اب کیسی ہے اور کیا وہ اگلے میچ کھیل پائیں گے؟ فرنچائز کے مالک نے اعلان کر دیا

کراچی کنگز کے کپتان عماد وسیم کی حالت اب کیسی ہے اور کیا وہ اگلے میچ کھیل ...
کراچی کنگز کے کپتان عماد وسیم کی حالت اب کیسی ہے اور کیا وہ اگلے میچ کھیل پائیں گے؟ فرنچائز کے مالک نے اعلان کر دیا

  

دبئی (ڈیلی پاکستان آن لائن) پاکستان سپر لیگ (پی ایس ایل) میں کراچی کنگز اور لاہور قلندرز کے سنسنی خیز مقابلے کے دوران کراچی کنگز کے کپتان پیچھے کی جانب بھاگ کر کیچ پکڑنے کی کوشش میں گراﺅنڈ میں گرے تو ان کا سر زور سے زمین پر لگا جس کے باعث وہ زخمی ہو گئے۔

یہ بھی پڑھیں۔۔۔آفریدی نے بدتمیزی کی تمام حدیں پار کر دیں، 19 سالہ نوجوان کو آﺅٹ کر کے اسے ایسا اشارہ کر دیا کہ سوشل میڈیا صارفین بھی غصے سے آگ بگولہ ہو گئے، نوجوان کا کیا حال ہوا؟ دیکھ کر آپ بھی حیران پریشان رہ جائیں گے 

عماد وسیم کو فوری طور پر فیلڈ سے باہر لے جایا گیا جس کے بعد شاہد آفریدی نے باقی میچ میں کپتانی کے فرائض سرانجام دئیے۔ کراچی کنگز نے تصدیق کی ہے کہ عماد وسیم کو ساری رات ہسپتال میں رکھا گیا تاہم اب ان کی صحت بہتر ہے۔ کراچی کنگز کے مالک سلمان اقبال نے ٹوئٹر پر جاری اپنے پیغام میں کہا ”الحمد اللہ! عماد وسیم ٹھیک ہے۔۔۔ ہم سب کی دعائیں کپتان کیساتھ ہیں۔“

میچ کے بعد پریس کانفرنس کرتے ہوئے مکی آرتھر نے اس حوالے سے بات کرتے ہوئے کہا کہ عماد وسیم سی ٹی سکین کیلئے ہسپتال میں تھے جبکہ اگلے 24 گھنٹوں کیلئے انہیں نگرانی میں ہی رکھا جائے گا۔

مزید : کھیل /PSL /PSL News Update