”کرکٹ میں صرف ایک ہی آفریدی ہے اور ۔۔۔“ شاہین آفریدی نے شاہد آفریدی کیلئے ایسا شاندار بیان جاری کر دیا کہ پوری دنیا میں دھوم مچا دی، چھوٹی سی عمر میں پاکستانیوں کے دل فتح کر لئے

”کرکٹ میں صرف ایک ہی آفریدی ہے اور ۔۔۔“ شاہین آفریدی نے شاہد آفریدی کیلئے ...
”کرکٹ میں صرف ایک ہی آفریدی ہے اور ۔۔۔“ شاہین آفریدی نے شاہد آفریدی کیلئے ایسا شاندار بیان جاری کر دیا کہ پوری دنیا میں دھوم مچا دی، چھوٹی سی عمر میں پاکستانیوں کے دل فتح کر لئے

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

دبئی (ڈیلی پاکستان آن لائن) پاکستان سپر لیگ (پی ایس ایل) میں گزشتہ روز لاہور قلندرز اور کراچی کنگز کے درمیان سنسنی خیز میچ دیکھنے کو ملا لیکن اس کیساتھ ہی شائقین کرکٹ نے سٹیڈیم میں ایک جونیئر کھلاڑی کی طرف سے سینئر کھلاڑی کے احترام کیلئے کیا گیا اقدام دیکھا تو ہر دل خوشی سے باغ باغ ہو گیا۔

یہ بھی پڑھیں۔۔۔”لاہور قلندرز نے کراچی کنگز کو صرف میچ ہی نہیں ہرایا بلکہ۔۔۔“ پی ایس ایل میں اب تک کی دلچسپ ترین خبر آ گئی، ایسا کام ہو گیا کہ کراچی والے بے اختیار کہہ اٹھیں گے ”رانا جی معاف کرنا، غلطی مارے سے ہو گئی“ 

لاہور قلندرز کے شاہین شاہ آفریدی نے شاہد آفریدی کو کلین بولڈ کیا تو وہ خوشی منانا چاہتے تھے لیکن پھر یہ دیکھ کر اپنا ارادہ بدل لیا کہ آﺅٹ ہونے والا بلے باز کوئی اور نہیں بلکہ لیجنڈ شاہد خان آفریدی ہے ، اور سر نیچے کر کے مسکراتے ہوئے نفی میں سر ہلایا جس کی ویڈیو سوشل میڈیا پر خوب وائرل ہوئی ہے اور ہر پاکستانی انہیں داد دے رہا ہے۔

شاہین آفریدی کی کارکردگی تو پہلے ہی پاکستانیوں کو بھا گئی تھی لیکن پھر شاہد آفریدی جیسے سینئر کھلاڑی کیلئے احترام ظاہر کر کے قوم کے دلوں کو بھی فتح کر لیا ہے اور اب انہوں نے انتہائی شاندار بیان جاری کر کے ایک مرتبہ پھر یہ ثابت کر دیا ہے کہ وہ بہترین کھلاڑی ہی نہیں بلکہ عمدہ انسان بھی ہیں۔

سماجی رابطوں کی ویب سائٹ ٹوئٹر پر شاہد آفریدی کی وکٹ لینے کی ویڈیو شیئر کرتے ہوئے انہوں نے لکھا ” کرکٹ کے میدان میں صرف ایک ہی شاہد آفریدی ہے۔ انہوں نے کرکٹ، پاکستان اور انسانیت کیلئے جو خدمات سرانجام دی ہیں، ان کے احترام کیلئے جو میں نے کیا، وہ بہت ہی کم ہے۔۔۔ دعائیں شاہد بھائی!!!“

صارفین نے ان کے بیان کو خوب سراہا ہے اور ان کا کہنا ہے کہ جو کچھ شاہین شاہ آفریدی نے شاہد آفریدی کے احترام میں کیا، انہیں خراج تحسین پیش کرنے کیلئے کوئی الفاظ نہیں ہیں۔

یہ بھی پڑھیں۔۔۔شاہد آفریدی کی بدتمیزی کے بعد نوجوان کھلاڑی سیف بدر نے ایسا پیغام جاری کر دیا کہ آفریدی شرمندہ ہو جائیں گے، ہر پاکستانی بے اختیار داد دینے پر مجبور ہو گیا

 

 ایک صارف ثناءاللہ اورکزئی نے لکھا ”میں آج کل کرکٹ نہیں دیکھتا لیکن آج ٹوئٹر پر آپ کا ایکشن جو احترام سے بھرا تھا دیکھ لیا۔ میرے پاس آپ کو خراج تحسین پیش کرنے کیلئے الفاظ نہیں ہیں۔ اللہ پاک آپ کو مزید کامیابیاں عطاءفرمائیں، آمین۔۔۔ “

مشرف نامی صارف نے لکھا ” عاجز رہیں اور اپنے پاﺅں زمین پر رکھیں تو انشاءاللہ آپ ستاروں کو چھونے کا سلسلہ جاری رکھیں گے! کمال کر دیا نوجوان! خوش رہو“

ایچ نامی صارف نے لکھا ”بہت خوب۔۔۔ تم پر فخر ہے۔۔۔ اس روئیے کے ساتھ تم بہت آگے جاؤ گے“

طیب شمشیر نے لکھا ”چھوٹے بھائی دل جیت لیا تم نے آج۔ اللہ تمہیں کامیابیاں عطاءفرمائے اور ملک کا نام مزید روشن کرو“

مزید : کھیل /PSL /PSL News Update