چیئرمین سینیٹ کی نشست ہارنے کے بعد مریم نواز بھی میدان میں آگئیں، کھلا چیلنج دیدیا
اسلام آباد (ڈیلی پاکستان آن لائن )سابق وزیراعظم نوازشریف کی صاحبزادی مریم نواز بھی چیئرمین سینیٹ کے انتخاب کے بعد میدان میں آ گئیں ہیں اور بیان جاری کرتے ہوئے کہاہے کہ ”تم جیتے نہیں ، تمہیں بدترین شکست ہوئی ہے ،ذراعوام کے سامنے تو آو “۔
شطرنج کے مُہرو!
— Maryam Nawaz Sharif (@MaryamNSharif) March 12, 2018
تم جیتے نہیں - تمہیں بدترین شکست ہوئی ہے۔
ذرا عوام کے سامنے تو آؤ
تفصیلات کے مطابق چیئرمین سینیٹ کا انتخاب اپوزیشن اتحاد کے متفقہ امیدوار صادق سنجرانی نے جیت لیاہے جبکہ ڈپٹی چیئرمین سینٹ کے انتخاب کیلئے ووٹنگ کا عمل جاری ہے تاہم ایسی صورتحال میں ن لیگ کو بڑی اپ سیٹ شکست کا سامنا کرنا پڑاہے ۔ مریم نواز نے ٹویٹر پر جاری پیغام میں کہا کہ ”زرداری اور امپائر کی انگلی کا بیوپاری ،تیرے دربار میں پہنچے تو سبھی ایک ہوئے “۔
زرداری اور امپائر کی انگلی کا بیوپاری
— Maryam Nawaz Sharif (@MaryamNSharif) March 12, 2018
تیرے دربار میں پہنچے تو سبھی ایک ہوئے
دوسری جانب پاکستان مسلم لیگ کی رہنما مریم اورنگزیب نے چیئرمین سینیٹ کا انتخابی عمل مکمل ہونے کے بعد اپنے رد عمل میں کہا کہ نواز شریف نے خرید و فروخت کی اور نہ ہونے دی، آج ان لوگوں کا بھیانک چہرہ سامنے آیا جو تبدیلی، انقلاب کے نعرے لگاتے تھے۔مریم اورنگزیب نے کہا کہ ”آج بھی اس کی جیت ہوئی ہے جو اصولوں پر کھڑا ہے اور آج بھی جو اصولوں پر کھڑا ہے اس کا نام محمد نوازشریف ہے“۔
