قومی جونیئر انڈر18- ہاکی چمپئن شپ نصیر بندہ ہاکی سٹیڈیم اسلام آباد میں 22 مئی سے شروع ہوگی

اسلام آباد (این این آئی)پاکستان ہاکی فیڈریشن کے زیراہتمام قومی جونیئر انڈر18- ہاکی چمپئن شپ 22 مئی سے نصیر بندہ ہاکی سٹیڈیم اسلام آباد میں شروع ہوگی۔ آرگنائزنگ سیکرٹری محمد رمضان جمالی نے بتایا کہ چمپئن شپ میں ملک بھر سے 16 ٹیمیں شرکت کریں گی جن میں پنجاب کی چار، خیبرپختونخوا اور سندھ کی تین ، تین بلوچستان کی دو ٗاسلام آباد، آزاد جموں و کشمیر، فاٹا اور گلگت بلتستان کی ایک، ایک ٹیم شرکت کرینگی ۔ انہوں نے کہا کہ چمپئن شپ کی تیار یاں زور شور پر ہیں اور چیمپئن شپ میں شرکت کرنے والی ٹیمیں 21 مئی کو اسلام آباد پہنچیں گی اور 21 مئی کو شام 5 بجے منیجرز میٹنگ ہوگی جس میں ڈراز کا اعلان اور چمپئن شپ کے قوانین اور رولز کے بارے میں آگاہ کیا جائے گا۔ یہ چمپئن شپ 3 جون تک جاری رہے گی۔