آج بیشتر علاقوں میں دن کے وقت موسم گرم، پنجاب اورخیبر پختونخوا سمیت بعض مقامات پر بارش کی توقع ہے : محکمہ موسمیات
اسلام آباد (مانیٹرنگ ڈیسک ) محکمہ موسمیات کے مطابق آئندہ 24گھنٹوں کے دوران ملک کے بیشتر علاقوں میں دن کے وقت موسم گرم رہیگاتاہم خیبر پختونخواہ(مالاکنڈ، ہزارہ، پشاور، کوہاٹ، بنوں، مردان، ڈی آئی خان ڈویژن)، اسلام آباد، بالائی پنجاب (راولپنڈی، گوجرانوالہ، لاہور، سرگودھا، ساہیوال، فیصل آباد ڈویژن)، فاٹا، گلگت بلتستان اورکشمیر کے مختلف مقامات پر تیز ہواﺅں اور گرج چمک کےساتھ بارش کا امکان ہے ۔
ترجمان محکمہ موسمیات محمد فاروق نے اپنے بیان میں بتایا کہ آج جنوبی پنجاب (ملتان، ڈی جی خان،بہاولپور ڈویژن)، کوئٹہ اور ژوب ڈویژن میں بھی بعض مقامات پر گرد آلود ہوائیں چلنے/ تیز ہواﺅں اور گرج چمک کےساتھ ہلکی بارش کی توقع ہے ۔
روزنامہ پاکستان کی اینڈرائڈ موبائل ایپ ڈاؤن لوڈ کرنے کیلئے یہاں کلک کریں
ان کا مزید کہنا تھا کہ رواں ہفتہ کے دوران کشمیر، گلگت بلتستان، فاٹا، خیبر پختونخواہ (مالاکنڈ، ہزارہ، پشاور، کوہاٹ ،بنوں، ڈی آئی خان، مردان ڈویژن)، اسلام آباد، بالائی پنجاب (راولپنڈی ،گوجرانوالہ ،سرگودھا، لاہور، فیصل آباد ڈویژن)کے مختلف علاقوں میں وقفے سے تیز ہواﺅں اور گرج چمک کےساتھ بارش کا امکان ہے ۔
رواں ہفتہ کے دوران متوقع تیز ہواﺅں/ بارش کے باعث میدانی علاقوں میں دن کے درجہ حرارت میں 3 سے 5 ڈگری کمی کی امید ہے ۔
ترجمان نے بتایا کہ گزشتہ24 گھنٹوں کے دوران: بالائی خیبرپختونخواہ، فاٹا، جنوبی پنجاب اورشمال مشرقی بلوچستان میں تیز ہواﺅں اور گرج چمک کےساتھ بارش ہوئی۔ خیبر پختونخواہ: پاراچنار45، چترال10، پٹن ، کالام04، دیر01۔بلوچستان:ژوب09 ،بارکھان06۔ پنجاب: ڈی جی خان میں 02 ملی میٹرریکارڈ کی گئی۔
روزنامہ پاکستان کی خبریں اپنے ای میل آئی ڈی پر حاصل کرنے اور سبسکرپشن کیلئے یہاں کلک کریں
گزشتہ روز ریکارڈ کیے گئے گرم ترین مقامات کے درجہ حرارت: تربت، شہید بینظیر آباد، دادو 45، سبی 44، جیکب آباد، سکھر۔حیدر آباد 43، مٹھی، لاڑکانہ، نوکنڈی، روہڑی اور پڈعیدن میں 42 ڈگری جبکہ آج لاہور میں کم سے کم درجہ حرارت 25، کراچی 27، پشاور 22، اسلام آباد 21، کوئٹہ 19، گلگت 17، چترال 14اور ہنزہ میں 12ڈگری سینٹی گریڈ ریکارڈ کیا گیا ہے ۔
