معروف بالی ووڈ گلوکارہ پاکستانی شہری کی محبت میں مبتلا ہو کر ان کے پیچھے جاپان جا پہنچیں

معروف بالی ووڈ گلوکارہ پاکستانی شہری کی محبت میں مبتلا ہو کر ان کے پیچھے ...
معروف بالی ووڈ گلوکارہ پاکستانی شہری کی محبت میں مبتلا ہو کر ان کے پیچھے جاپان جا پہنچیں

  


ٹوکیو (ویب ڈیسک) بالی وڈ کی معروف گلوکارہ نندنی دیب جاپان میں مقیم معروف پاکستانی کاروباری شخصیت رانا عابد حسین کی محبت میں گرفتار ہوکر جاپان پہنچ گئیں ، وہ طویل رفاقت کی خواہاں ہیں تاہم رانا عابد حسین کا کہنا ہے کہ بھارتی گلوکارہ سے شادی کا کوئی ارادہ نہیں ، میری خواہش صرف پاکستان اور بھارت کے درمیان بہترین تعلقات ہیں جس کیلئے ہر سطح پر کوشش کروں گا۔

روزنامہ جنگ کے مطابق بالی وڈ کی معروف گلوکارہ نندنی دیب جنہوں نے بالی وڈ فلم ’منا مائیکل ‘ کے گانوں سے شہرت حاصل کی اور وہ سونو نگم ، اے ار رحمان کی موسیقی پر بھی گانوں پر شہرت حاصل کرچکی ہیں، جاپان میں مقیم معروف پاکستانی کاروباری شخصیت اور پاک جاپان بزنس کونسل کے صدر رانا عابد حسین کی سوشل میڈیا پر تصاویر اور خاص طور پر ایک دن جیو کے ساتھ پر ہونے والے پروگرام کے وائرل ہونے سے متاثر ہوکر جاپان پہنچ گئیں۔

اس حوالے سے ذرائع نے بتایا کہ نندنی دیب رانا عابد حسین سے اس حد تک متاثر ہیں کہ وہ رانا عابد حسین کے ساتھ پوری زندگی گزارنا چاہتی ہیں ان کے والدین بھی رانا عابد حسین سے شادی کے موضوع پر بات چیت کرچکے ہیں تاہم رانا عابد حسین کا کہنا ہے کہ ان کا بھارتی گلوکارہ کے ساتھ شادی کا کوئی ارادہ نہیں ، وہ پاکستان اور بھارت کے درمیان کشیدہ تعلقات کو دور کرنے کیلئے ذاتی طور پر جو بھی کرسکتے ہیں وہ کریں گے وہ نندنی دیب کے ساتھ ملکر پاک بھارت تعلقات بہتر کرنے کی کوشش کریں گے۔

واضح رہے کہ رانا عابد حسین ایک دن جیو کے ساتھ میں بہت زیادہ شہرت حاصل کرچکے ہیں اور ان کی فین فالونگ جاپان اور پاکستان سے نکل کر دنیا بھر میں پہنچ چکی ہے۔اس سے قبل بھی کشمیر سے ان کے خاص فین ان سے ملنے جاپان پہنچ گئے تھے اور اب بھارت کی معروف گلوکارہ جاپان پہنچ گئیں ہیں۔ رانا عابد کے مطابق وہ بھارتی گلوکارہ کیلئے بالی وڈ مووی پروڈیوس کرنے کا جائزہ بھی لے رہے ہیں۔

مزید : بین الاقوامی