پہلے بھی لاک ڈاؤن نام کا تھا کورونا سے عوام کو خود بچنا ہے
پاکستان پیپلز پارٹی کے مرکزی رہنما چودھری منظور احمد نے کہا ہے کہ اس میں نرمی والی کونسی بات ہے اور یہ بتائیں کہ پہلے کو نسا یہاں پر کوئی کسی قسم کا کوئی لاک ڈاؤن تھا، پہلے بھی برا ئے نام لاک ڈاؤن تھا،اور اب انہوں نے یہ برائے نام لاک ڈاؤن بھی ختم کردیا ہے،جہاں تک کورونا وائرس کے پھیلاؤ کے روک تھام کا تعلق ہے تواس کیلئے عوام کو خود ہی کچھ کرنا پڑیگا، حکومت ان کیلئے کچھ نہیں کرے گی۔ایشو آف دی ڈے میں اظہار خیال کرتے ہوئے ان کا کہنا تھا میں میڈیا سے پوچھنا چاہتا ہوں پنجاب میں پہلے کونسالاک ڈاؤن تھا؟ کیا اس سے پہلے اسی لاک داؤن میں نرمی نہیں تھی،کیا اس سے پہلے والے لاک ڈاؤن میں لوگ اسی طرح سے اپنا کاروبار نہیں کررہے تھے،اصل میں تو ابھی تک پی ٹی آئی کی حکومت کوئی واضح پالیسی تشکیل ہی نہیں دے سکی،اس نے آخر کرنا کیا ہے۔
چودھری منظور