چینی امریکہ سے کیا چرا نے کی کوشش کررہے ہیں؟

چینی امریکہ سے کیا چرا نے کی کوشش کررہے ہیں؟
چینی امریکہ سے کیا چرا نے کی کوشش کررہے ہیں؟

  

واشنگٹن(ڈیلی پاکستان آن لائن)امریکی انٹیلی جنس ادارے ایف بی آئی اور سائبر سکیورٹی سے وابستہ ماہرین نے الزام لگایا ہے کہ چینی  حکومت سے روابط رکھنے والے چینی ہیکرز امریکہ سے کورونا وائرس کی ویکسین بنانے کیلیے کی جانے والی تحقیق چرانے کی کوشش کررہے ہیں۔

موقر جرائد وال سٹریٹ جنرل اور نیویارک ٹائمز کے مطابق امریکی عہدیداراوں نے الزام عائد کیا ہے کہ ہیکرز کا رابطہ چینی حکومت سے ہے ۔امریکی حکومت کی جانب سے آئندہ چند روز می٘ں اس حوالے سے باضابطہ طور پر خبردار کیاجاسکتا ہے۔

دوسری جانب بیجنگ میں چینی وزارت خارجہ کے ترجمان زہاؤ لیجیان نے امریکی اداروں کے الزامات کو مسترد کردیا ہے ۔ ان کا کہنا ہے کہ چین ان سائبر حملوں کی سختی سے مخالفت کرتا ہے۔ان کا کہنا تھا کہ ’کووِڈ 19 کے علاج اور ویکسین سے متعلق تحقیق میں ہم دنیا کی رہنمائی کررہے ہیں اس لیے چین کو افواہوں اور شواہد کی عدم موجودگی میں بدگوئی سے نشانہ بنانا غیر اخلاقی ہے۔

ادھر اسی حوالے سے ایک سوال کا جواب دیتے ہوئے امریکی صدر ڈونلڈٹرمپ نے کہا ہے کہ وہ چین سے خوش نہیں ہیں۔

مزید :

بین الاقوامی -کورونا وائرس -