ڈاکٹر اطہر محبوب کا چائلڈ پروٹیکشن سنٹر کا دورہ، انتظامات کاجائزہ

 ڈاکٹر اطہر محبوب کا چائلڈ پروٹیکشن سنٹر کا دورہ، انتظامات کاجائزہ

  

بہاولپور(ڈسٹرکٹ رپورٹر)پروفیسر ڈاکٹر اطہر محبوب وائس چانسلر اسلامیہ یونیورسٹی بہاولپور نے چائلڈ پروٹیکشن ویلفیئر  بیورو حکومت پنجاب کے بہاولپور میں واقع (بقیہ نمبر38صفحہ7پر)

ادارے کا دورہ کیا۔اس موقع پر ادارے کی انچارج نوشابہ ملک نے ان کا استقبال کیا اور بریفنگ دی- وائس چانسلر نے ادارے میں طلبہ و طالبات کے لئے رہائشی سہولیات اور ان کی تعلیم و تربیت کے لیے کئے گئے انتظام کا جائزہ لیا۔اس موقع پر وائس چانسلر نے کہا کہ چائلڈ پروٹیکشن ویلفیئر بیورو کا قیام حکومت پنجاب کا انتہائی احسن اقدام ہے۔اس کے پنجاب بھر کے بڑے شہروں میں مراکز قائم کیے گئے ہیں جہاں پر معاشرے کے بے سہارا،لاوارث اور یتیم بچوں کو حکومتی سرپرستی میں نگہداشت اور تعلیم وتربیت کی جاتی ہے۔اپنے دورے کے دوران وائس چانسلر نے ادارے میں موجود بچوں کیلئے جاری درس قرآن میں بھی شرکت کی اور ان طلبا سے خطاب کیا۔انہوں نے کہا کہ اسلام عظیم مذہب ہے اور سرور کائنات حضرت محمد ؐرحمۃ اللعالمین ہمارے لیے دو جہانوں،دین و دنیامیں رہنمائی اور بخشش کا وسیلہ ہیں۔انہوں نے کہا کہ حضرت محمدؐ کی سنت اور ان کی تعلیمات ہمارے لیے مشعل راہ ہیں۔آپ ؐ پیدا ہوئے توآپ کے والد،آپ کی پیدائش سے پہلے ہی وفات پاچکے تھے اور پیدائش کے کچھ سالوں بعد والدہ محترمہ بھی وفات پا گئیں اور آپ کی پرورش آپ کے چچا حضرت ابو طالب نے کی۔انہوں نے کہا کہ حضور ؐ نے اپنی تمام حیات طیبہ بلند حوصلے استقامت اور ایک اعلی و عرفہ کردار کے طور پر بسر کی اور آپ کی استقامت اور بے مثال قیادت کا نتیجہ ہے کہ آج امت مسلمہ اربوں کی تعداد میں دنیا بھر میں پھیلی ہوئی ہے۔آپ ؐنے تعلیم حاصل کرنے پر زور دیا اور تعلیم کی اہمیت کا اندازہ اس بات سے لگایا جا سکتا ہے کہ غزوہ بدر میں جو قیدی تھے ان کو یہ سزا دی گئی کہ وہ مسلمانوں کے بچوں کو تعلیم دیں اور اسی کے بدلے ان کو رہائی ملے گی۔ہمیں بھی اپنی تعلیم پر بھرپور توجہ مرکوز کرنی چاہیئے اور حکومت کی طرف سے موجود سہولیات کا بھرپور فائدہ اٹھاتے ہوئے اپنے آپ کو معاشرے کا ایک فعال شہری بنانے کیلئے تیار کرنا چاہئے۔انہوں نے کہا کہ اسلامیہ یونیورسٹی بہاولپور اس مرکزکی ترقی اور بھلائی کیلئے بھرپور کرداراداکرے گی اور جلد ہی ان تمام بچوں کو یونیورسٹی کے کیمپس کا دورہ کروایا جائے گا۔اس کے علاوہ شعبہ باٹنی اس مرکز میں وزیر اعظم کلین گرین پاکستان مہم کے تحت ایک پراجیکٹ کا آغاز کرے گی اور اس مرکز کوسرسبزوشاداب بنایا جائے گااور طلبا وطالبات کوشجرکاری مہم میں شامل کیا جائے گا۔ انہوں نے کہا کہ فیکلٹی آف ویٹرنری اینڈ اینیمل سائنسز بھی ان بچوں کیلئے خوبصورت پرندوں کا ایک گارڈن بنائیں گے اور کالج آف آرٹ کے تحت مصوری اور خطاط کی تربیت بھی دی جائے گی تاکہ یہ بچے اپنا وقت بہت بہتر انداز سے اور بھرپور طریقے سے گزارسکیں۔اس موقع پر چائلڈ پروٹیکشن بیورو کی انچارج نوشابہ ملک نے اپنی بریفنگ میں بتایا کہ حکومت پنجاب کی جانب سے مختلف شہروں میں قائم مراکز میں بچوں کو معاشرے کے محروم طبقات سے آئے ہوئے یتیم اور لاوارث بچوں کوپناہ دی جاتی ہے اور ان کی بحالی کیلئے کام کیا جاتا ہے۔اس مرکز میں ان کی تعلیم وتربیت کیلئے تمام تر سہولیات موجود ہیں اس کے علاوہ ان کی نفسیاتی طور پربھی تربیت کی جاتی ہے تاکہ وہ معاشرے میں ایک مفید اورفعال شہری کے طورپراپناکرداراداکرسکیں۔اس وقت بہاولپورمرکزمیں سوسے زائدبچے رہائش پزیرہیں جن کیلئے رہائشی خوراک،دینی ودنیاوی تعلیم کا تمام تربندوبست موجود ہے۔وائس چانسلر نے ان تمام تر سہولیات کوسراہااورکہاکہ یونیورسٹی بھرپور طریقے سے چائلڈپروٹیکشن بیورو بہاولپور کوسپورٹ فراہم کریگی اوراس مقصد کیلئے یونیورسٹی کے اساتذہ اور طلباء اس کارخیرمیں بھرپور اورجامع اندازمیں حصہ لیں گے۔وائس چانسلر کے ہمر ہ اسلام ضمیر،خالدضمیراورسیکرٹری ٹووائس چانسلر محمدخالدشیخ بھی موجود تھے۔

دورہ

مزید :

ملتان صفحہ آخر -